ඊයේ (13) රාත්‍රියේ සිදු වූ දෙහිවල – බඩෝවිට වෙඩි තැබීමට හේතුව හෙළි ව තිබෙනවා.
දසත අප කළ විමසීමක දී පොලිසිය සඳහන් කළේ මෙම වෙඩි තැබීම මත්ද්‍රව්‍ය ආරවුලක් හේතුවෙන් සිදු ව ඇති බවයි.
ඊයේ රාත්‍රී 9.25ට පමණ මෙම වෙඩි තැබීම දෙහිවල පොලිස් වසමේ – බඩෝවිට දී සිදු වුණු අතර එහිදී එක් පුද්ගලයෙකු ජීවිතක්ෂයට පත් වුණා.
එම ප්‍රදේශයේ ම පදිංචි ගයාශාන් චතුරංග ප්‍රනාන්දු යන අයට යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් T 56 වර්ගයේ ගිනි අවියකින් වෙඩි තබා පලා ගොස් ඇති බවයි වාර්තා වන්නේ.
තුවාලකරු කළුබෝවිල ශික්ෂණ රෝහලට ඇතුළත් කිරීමෙන් අනතුරුව මියගියා.
සිද්ධිය සම්බන්ධයෙන් වැඩිදුර පොලිස් විමර්ශන ක්‍රියාත්මකයි.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
