ශ්රී ලංකාවේ බංග්ලාදේශ මහ කොමසාරිස් අන්ඩලිප් එලියස් (Andalib Elias) මහතා සහ
ආරක්ෂක ලේකම් (විශ්රාමික) එයාර් වයිස් මාර්ෂල් සම්පත් තුයියකොන්තා මහතා අතර හමුවක් අද (06) පැවැත්වුණා.
ආරක්ෂක අමාත්යාංශය නිවේදනය කළේ; ශ්රී ජයවර්ධනපුර කෝට්ටේ පිහිටි ආරක්ෂක මූලස්ථාන සංකීර්ණයේ දී දෙපාර්ශ්වය අතර නිල හමුව සිදු වූ බවයි.
ආරක්ෂක අමාත්යංශය වෙත පැමිණි බංග්ලාදේශ කොමසාරිස්වරයා ආරක්ෂක ලේකම්වරයා විසින් ඉතා උණුසුම් ලෙස පිළිගෙන සුහද කතාබහක පළමු ව නිරත වී තිබෙනවා.
ඉන් පසුව දෙරට අතර පවතින ද්විපාර්ශ්වික සබඳතා සහ සහයෝගිතාව ශක්තිමත් කර ගැනීම පිළිබඳව ද මෙහිදී සාකච්ඡා වූ බවයි වාර්තා වන්නේ.
මෙම අවස්ථාව සනිටුහන් කරමින් සමරු තිළිණ හුවමාරුවක් ද සිදු වූ අතර මෙකී අවස්ථාවට ආරක්ෂක අමාත්යාංශයේ ජ්යෙෂ්ඨ නිලධාරීන් සහ ශ්රී ලංකාවේ බංග්ලාදේශ මහ කොමසාරිස් කාර්යාලයේ ආරක්ෂක උපදේශක කොමදෝරු එම්. මොනිරුස්සමාන් (Commodore M Moniruzzaman) ද සහභාගී වුණා.
