එළඹෙන පෙබරවාරි 07 වන දින ඉන්දියාවේ සහ ශ්‍රී ලංකාවේ ආරම්භ වන 2026 විස්සයි විස්ස ලෝක කුසලානයේ දී ස්කොට්ලන්තය බංග්ලාදේශය වෙනුවට ආදේශ කිරීමට ජාත්‍යන්තර ක්‍රිකට් කවුන්සිලය තීරණය කර තිබෙනවා.
අද උදෑසන මෙම අවසන් තීරණය ගෙන ඇත්තේ ICC ප්‍රධාන විධායක නිලධාරී සංජෝග් ගුප්තා, බංග්ලාදේශයේ ඉල්ලීම් ICC ප්‍රතිපත්තියට අනුකූල නොවන බව ICC තීරණය කිරීමත් සමඟයි.
ඉන්දියාවේ පැවැත්වෙන තරග සඳහා සහභාගී වීම බංග්ලාදේශය තරයේ ප්‍රතික්ෂේප කිරීම හේතුවෙන් ජාත්‍යන්තර ක්‍රිකට් කවුන්සිලය මෙම තීරණය ගෙන ඇති අතර, එහිදී බංග්ලාදේශය ඉල්ලා සිටියේ තමන් සහභාගීවන තරග ශ්‍රී ලංකාවේ පවත්වන ලෙසටයි.
කෙසේ වෙතත් එම ඉල්ලම් නොසලකා හරිමින් 2026 විස්සයි විස්ස ලෝක කුසලානයේ C කාණ්ඩයට නම්කර සිටි බංග්ලාදේශය ඉවත්කර ස්කොට්ලන්ත කණ්ඩායම ඇතුළත් කිරීමට මෙලෙස තීරණය කර තිබෙනවා.
එම කාණ්ඩයට ඉතාලිය, නේපාලය, බටහිර ඉන්දීය කොදෙව් සහ එංගලන්ත කණ්ඩායම් ඇතුළත්.
