ඔක්තෝබර් 29 දා සෞඛ්‍ය සේවා අධ්‍යක්ෂ ජනරාල්වරයා විසින් නිකුත් කළ සෞක්‍ය මාර්ගෝපදේ්‍ශ පිළිපදින්නේද යන්න පිළිබඳව පරීක්ෂා කිරිමේ විශේෂ මෙහෙයුමක් ඊයේ (05දා) බස්නාහිර පළාත කේන්ද්‍රකර ගනිමින් ක්‍රියාත්මක කළ බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නිහාල් තල්දූව මහතා පවසයි.
පොලිස් නිලධාරින් 400කට අධික සංඛ්‍යාවකගේ දායකත්වයෙන් පස්වරු 3 සිට 5 මෙම මෙහෙයුම ක්‍රියාත්මක කළ බවත් පොදු ප්‍රවාහනය, මුඛ ආවරන පැළදීම, සමාජ දුරස්ථභාවය තබා ගැනීම, වායු සමනය කළ බස්රථ විදුරු ඇරගෙන ධාවනය කිරීම, වෙළඳසැල්වලට නියමිත ප්‍රමාණය ඇතුළු කර ගන්නේද යන්න පිළිබඳව මෙහිදී පරීක්ෂා කළ බව ඔහු පැවැසීය.
බස් රථ 857ක්, වායු සමනය කළ බස් රථ 147, වෙළඳසැල් 1160ක් මෙහිදී පරික්ෂාකර ඇති ඇතර එයින් පිළවෙළින් 327ක්, 35ක් හා 504ක් නිසි සෞඛ්‍ය මාර්ගෝපදේශ අනුව කටයුතු කර නොමැතිවීම හේතුවෙන් අවවාද කර තිබේ.
මේ පිළිබඳව ඉදිරියට මෙහෙයුම් කර න බවත් නිසි සෞඛ්‍ය මාර්ගෝපදේශ පිළිපදින ලෙසත් මාධ්‍ය ප්‍රකාශකවරයා ජනතාවගෙන් ඉල්ලා සිටියි.
