පොල්පිතිගම, නාගොල්ල පන්සල පිටුපස වත්තක තිබී පිළිස්සී මියගිය කාන්තාවකගේ මළ සිරුරක් පොලිසිය විසින් සොයාගෙන තිබෙනවා.
මෙලෙස සොයාගෙන ඇත්තේ වයස අවුරුදු 70ක් පමණ වයසැති කාන්තාවක් බවයි පොලිසිය සඳහන් කළේ.
පොල්පිතිගම ප්රදේශයේ පදිංචිකාරිණියක් වන මෙම කාන්තාව නිවස අවට අතුගා කොළ රොඩුවලට ගිනි තැබීමක් සිදුකර තිබෙනවා.
එහිදී අවට තිබූ මානා ගස්වලට ගිනි ඇවිලී ඇති අතර, ඒවා නිවාදැමීමට මෙම කාන්තාව උත්සාහ ගෙන ඇති බවයි අනාවරණය වී ඇත්තේ.
එම අවස්ථාවේ ඇය අඳ සිටි ඇඳුමට ගිනි ඇවිලී මෙලෙස ගින්නට හසුවී මියගොස් ඇති බවයි පොලිසිය සැකපළ කරන්නේ.
මෘත දේහය සම්බන්ධයෙන් වන පස්චාත් මරණ පරීක්ෂණය සහ මහේස්ත්රාත් පරීක්ෂණය අද (05) දිනයේ සිදුකිරීමට නියමිත බව පොලිසිය සඳහන් කළා.
