2023 ක්රිකට් ලෝක කුසලාන සුදුසුකම් ලැබීමේ තරඟයට පෙර පැවති පුහුණු තරඟයකදී නෙදර්ලන්තය කඩුලු 3කින් පරාජය කිරීමට ශ්රී ලංකාව සමත් වුණා.
බුලවායෝ හි දී පැවති තරගයේ පළමුවෙන් පන්දුවට පහරදුන් නෙදර්ලන්තය පන්දුවාර 45යි පන්දු 3ක් අවසානයේ සියලුදෙනා දැවී ලකුණු 214ක් ලබා ගත්තා.
පන්දු යැවීමේදී කසුන් රාජිත කඩුලු 3යි. මහීෂ් තීක්ෂණ සහ ධනංජය ද සිල්වා කඩුලු 2ක් බැගින් දවා ගැනීමට සමත් වුණා.
ලහිරු කුමාර, මතීෂ පතිරණ සහ චාමික කරුණාරත්න එක් කඩුල්ල බැගින් දවා ගත්තා.
පිළිතුරු ඉනිම වෙනුවෙන් පන්දුවට පහරදුන් ශ්රී ලංකා කණ්ඩායම පන්දුවාර 37යි පන්දු 1ක් තුළදී කඩුලු 7ක් පමණක් දැවී ජයග්රාහී ඉලක්කය පසු කළා.
නායක දසුන් ශානක නොදැවී ලකුණු 67යි. දිමුත් කරුණාරත්න ලකුණු 47ක් සහ චරිත් අසලංක ලකුණු 29ක් ලබා ගත්තා.
සුදුසුකම් ලැබීමේ තරඟ ආරම්භයට පෙර ශ්රී ලංකාව හෙට ඇමරිකා එක්සත් ජනපද කණ්ඩායම සමඟ තරඟ වැදීමට නියමිතයි.
2023 ක්රිකට් ලෝක කුසලාන සුදුසුකම් ලැබීමේ සටන ලබන සඳුදා ආරම්භ කෙරෙනවා.
