රුසියානු ජනාධිපති ව්ලැඩිමීර් පුටින් විසින් එරට ආරක්ෂක ඇමති සර්ජි ෂොයිගු එම තනතුරින් ඉවත් කිරීමට තීරණය කර තිබෙනවා.
මේ වනවිට 68 හැවිරිදි වියේ පසුවන ෂොයිගු 2012 වසරේ සිට රුසියානු ආරක්ෂක ඇමති ලෙස කටයුතු කරනු ලැබුවා.
රුසියානු ජනාධිපති පුටින්ගේ ඉතා සමීපතමයෙක් වන මොහුව රුසියාවේ ආරක්ෂක මණ්ඩලයේ ලේකම්වරයා ලෙස පත් කිරීමට නියමිතව ඇති බවට තොරතුරු වාර්තා වනවා.
සර්ජි ෂොයිගු, යුක්රේනය සමඟ යුද්ධයේ දී මේ දක්වා ප්රධාන භූමිකාවක් ඉටුකළ අයෙක්.
වෘත්තියෙන් සිවිල් ඉංජිනේරුවෙකු වන ෂොයිගු 1990 කාලයේ හදිසි අවස්ථා සහ ආපදා සහන අමාත්යාංශයේ ප්රධානියා ලෙස කටයුතු කරනු ලැබුවා.
මේ අතර ව්ලැඩිමීර් පුටින් රුසියානු ජනාධිපති ලෙස යළිත් වරක් දිවුරුම්දීමෙන් පසුව ගනු ලැබූ පළමු ප්රබලතම තීරණය මෙය බවයි විදෙස් මාධ්ය වාර්තා කරන්නේ.
