පිරමීඩ ජාවාරමේ නිරතවන පුද්ගලයින් එම ජාවාරම ජනප්‍රිය කිරීම සඳහා ආගමික උත්සව පවා සංවිධානය කරන බව මුදල් රාජ්‍ය අමාත්‍ය රංජිත් සියඹලාපිටිය පවසනවා.
රුවන්වැල්ල ප්‍රදේශයේ ඊයේ (13) රාත්‍රී පැවති වැඩසටහනකට එක්වෙමින් පසු මාධ්‍ය වෙත අදහස් දක්වමින් ඔහු මේ බව සඳහන් කළා.
සමාජ පිළිලයක් බවට පත්ව ඇති මෙම පිරමීඩ ජාවාරම මැඩලීම සඳහා පවතින නීති උපරිමයෙන් ක්‍රියාත්මක කිරීම සහ අවශ්‍ය නම් නීති යාවත්කාලීන කිරීම සිදුකළ යුතු බවයි රාජ්‍ය අමාත්‍යවරයා මෙහිදී වැඩිදුරටත් සඳහන් කළේ.
මෙවැනි ජාවාරම් තහනම් කිරීම හෝ ඒවාට දඬුවම් කිරීමට වඩා මෙම ජාවාරම් සම්බන්ධයෙන් සමාජය දනුම්වත්කර ඒවාට හසු නොවී සිටින ලෙස මහජනයාය දැනුම්දිය යුතු බවයි ඔහු පවසා සිටියේ.
