‘මගෙන් රටට ව්යාපාරයේ ‘ සභාපති සංජය මහවත්ත අත් අඩංගුවට ගෙන තිබෙනවා.
ඊයේ (27) රාත්රියේ දී ඔහුව ත්රස්ත විමර්ශන කොට්ඨාසය මගින් අත් අඩංගුවට ගෙන ඇති බවයි වාර්තා වන්නේ.
ජ්යෙෂ්ඨ පොලිස් නිලධාරීන්ට අසත්ය චෝදනා එල්ල කිරීමේ සිද්ධියක් මත මොහුව අත් අඩංගුවට ගෙන තිබෙනවා.
හියුමන් ඉමියුනොග්ලොබියුලින් වංචාව ගැන කෙහෙළිය ඇතුළු සැකකරුවන් අත්අඩංගුවට ගැනීම පමා කිරීම ගැන සංජය මහවත්ත ඇතුළු පිරිස මින් කලකට ඉහත විශාල සටනක් ගෙන ගිය පිරිස අතර වනවා.
අපරාධ පරීක්ෂණ දෙපාර්තමේන්තුව ඉදිරිපිට පොල් ගැසීමේ සිද්ධියක් නිසා මාස කිහිපයකට පෙර ද මෙම සැකකරු අත්අඩංගුවට ගැනුණා.
පසුගිය දිනවල නිරූපණ ශිල්පිනී පියුමි හංසමාලිගේ වත්කම් සම්බන්ධයෙන් සැකයක් ඇති බවට ද අධිකරණයට කරුණු ඉදිරිපත් කළේ ද සංජය මහවත්ත යි.
ඔහුගේ පැමිණිල්ල නිසා ඒ සම්බන්ධයෙන් ද මේ වනවිට (28) විමර්ශන පැවැත්වෙනවා.
පියුමි හංසමාලි මහත්මියගේ රූපලාවන්ය ආලේපන බෙදා හරින ලද කුරියර් සේවා සමාගමේ නිලධාරින් 04 දෙනෙකුගෙන් අපරාධ පරික්ෂණ දෙපාර්තමේන්තුවේ නීතිවිරෝධි වත්කම් විමර්ශන කොට්ඨාසය ප්රකාශ ලබාගෙන තිබෙන අතර පියුමි හංසමාලිගෙන් ඉදිරි දිනක ප්රකාශ සටහන් කර ගැනීමට කටයුතු කරන බව ද පොලිසිය පැවසුවා.
මෙවන් පසුබිමකදියි සංජය මහවත්ත අත් අඩංගුවට ගෙන ඇත්තේ.
වංචනිකයන් අල්ලන්න තොරතුරු දෙන එකා අල්ලන එක තමයි අපේ රටේ සිස්ටම් එක. ඒකනෙ කෙලවිලා තියෙන්නෙ
හොඳම දේ තමන්ගේ වැඩක් බලන් ඉන්න 1 😄😄😄😄