Rajapura Handi Oil
Rajapura Diabetic Powder

පාර්ලිමේන්තු විවාද නැරඹීමට පාසල් ළමුන්ට යළි අවස්ථාව

පාසල් ළමුන්ට පාර්ලිමේන්තු රැස්වීම් පැවැත්වෙන දිනවලදී විවාද නැරඹීම සඳහා යළි අවස්ථාව ලබාදීමට පාර්ලිමේන්තු කටයුතු පිළිබඳ කාරක සභාව තීරණය කර තිබෙනවා.

ඒ, අනුව පාසල් ළමුන්ට මහජන ගැලරියේ සිට පාර්ලිමේන්තු විවාද සජීවීව නැරඹීමේ අවස්ථාව හිමිවනවා.

වේත්‍රධාරී නරේන්ද්‍ර ප්‍රනාන්දු කළ ඉල්ලීමක් අනුව පාර්ලිමේන්තු කටයුතු පිළිබඳ කාරක සභාව මෙම තීරණය ගෙන ඇති බවයි වාර්තා වන්නේ.

විවාද නැරඹීමට පැමිණෙන පාසල් ළමුන් වෙනුවෙන් ෆැක්ස් මඟින් 0112777473/ 0112777335 හෝ www.parliament.lk වෙබ් අඩවිය හරහා මාර්ගගතව අයදුම් කළ හැකි බව වේත්‍රධාරී නරේන්ද්‍ර ප්‍රනාන්දු සඳහන් කළේ.

පාර්ලිමේන්තුව නැරඹීම සදහා පනවා තිබූ සීමා පසුගිය සැප්තැම්බර් 20 දින සිට ලිහිල් කළ ද පාර්ලිමේන්තු රැස්වීම් දිනවලදී විවාද නැරඹීමේ අවස්ථාව මෙතෙක් හිමි වූයේ නැහැ.