පාර්ලිමේන්තුව හෙට රැස්වෙයි – පාස්කු ප්‍රහාරයේ විවාදය 21 සහ 22

පාර්ලිමේන්තුව මෙම සතියේ හෙට (19) දිනයේ සිට ලබන 22 වනදා දක්වා රැස්වීමට නියමිතයි.

එහිදී පාස්කු ඉරුදින ප්‍රහාරය සහ ජාතික ආරක්ෂාව පිළිබඳ සභාව කල් තැබීමේ විවාදය ලබන 21වන බ්‍රහස්පතින්දා සහ ලබන 22වන සිකුරාදා පැවැත්වීමටයි තීරණය කර ඇත්තේ.

ඊට අමතරව හෙට (19) දිනයේ දී පුද්ගලයින් ලියාපදිංචි කිරීමේ පනත යටතේ නියෝග සහ කොළඹ වරාය නගරය ආර්ථික කොමිෂන් සභාව පනත යටතේ අංක 2334/47 දරණ ගැසට් පත්‍රයේ පළ කර ඇති නියෝග විවාදයට ගැනීමට පාර්ලිමේන්තු කටයුතු පිළිබඳ කාරක සභාව තීරණය කර තිබෙනවා.

වන සංරක්ෂණ ආඥා පනත යටතේ අංක 2346/02 දරණ ගැසට් පත්‍රයේ පළ කර ඇති නියෝග අනිද්දා (20) දින විවාදයට ගැනීමට නියමිතව බවයි වාර්තා වුණේ.

ආණ්ඩු පක්ෂය විසින් ගෙන එනු ලබන කල්තබන අවස්ථාවේ යෝජනාව එදින පස්වරු 5.00 සිට 5.30 දක්වා විවාදයට ගැනීමටයි සැලසුම් කර ඇත්තේ.