තලේබාන් හමුදා සහ පකිස්ථාන හමුදා අතර නැවත ඇති වූ දේශසීමා ගැටුම් හේතුවෙන් නැගෙනහිර ඇෆ්ගනිස්ථානයේ මානුෂීය තත්ත්වයන් නරක අතට හැරී සිවිල් වැසියන්ට හානි සිදුවී ඇති බව එක්සත් ජාතීන්ගේ මානුෂීය කටයුතු සම්බන්ධීකරණ කාර්යාලය (OCHA) පවසනවා.
පසුගිය අප්රේල් 27 වන දින අසාදාබාද් නගරයේ සහ කුනාර් පළාතේ සමහර ප්රදේශවල ගුවන් ප්රහාර සහ ෂෙල් වෙඩි ප්රහාරවලින් අවම වශයෙන් පුද්ගලයින් හත් දෙනෙකු මිය ගොස් කාන්තාවන් සහ ළමුන් ඇතුළු 79 දෙනෙක් තුවාල ලබා තිබෙනවා.
OCHA ට අනුව, ප්රචණ්ඩත්වය හේතුවෙන් ඉන්ධන පිරවුම්හලක්, විශ්ව විද්යාල නේවාසිකාගාරයක කොටස්, ආගමික කටයුතු කාර්යාලයක් සහ මත්ද්රව්ය පුනරුත්ථාපන මධ්යස්ථානයක් ඇතුළු සිවිල් යටිතල පහසුකම්වලට සැලකිය යුතු හානියක් සිදුවී ඇත. එවැනි විනාශයක් දැනටමත් බිඳෙනසුලු මහජන සේවාවන් තවදුරටත් අඩාල කරන බව ඒජන්සිය අනතුරු අඟවනු ලබනවා.
OCHA ඇස්තමේන්තු කරන්නේ පෙබරවාරි අග සිට අඛණ්ඩ ගැටුම් හේතුවෙන් නැගෙනහිර සහ ගිනිකොනදිග ඇෆ්ගනිස්ථානය පුරා 100,000 කට වැඩි පිරිසක් අවතැන් වී ඇති බවයි.
අනාරක්ෂිත බව, ෂෙල් වෙඩි ප්රහාර සහ පුපුරා නොගිය අවි ආයුධ හේතුවෙන් දිස්ත්රික්ක කිහිපයක මානුෂීය ප්රවේශය සීමා කර තිබෙනවා.
ක්ෂණික සහනවලට අමතරව, මූලික සේවාවන් යථා තත්ත්වයට පත් කිරීම සඳහා පාසල්, සායන සහ ජල පද්ධති ඇතුළු හානියට පත් යටිතල පහසුකම් ප්රතිසංස්කරණය කිරීම සහ පුනරුත්ථාපනය කිරීම සඳහා හදිසි අවශ්යතාවයක් පවතින බව ආධාර ආයතන අනතුරු අඟවනවා.
