පසුගිය මාස තුනක කාලය තුළ සාමාන්‍ය මට්ටමට වඩා අඩු වර්ෂාපතනයක් අඛණ්ඩව පැවතීම හේතුවෙන් පාකිස්තානයට නියඟ අනතුරු ඇඟවීම් නිකුත් කර තිබෙනවා.
පාකිස්තාන කාලගුණ විද්‍යා දෙපාර්තමේන්තුවට (PMD) අනුව දෙසැම්බර් මාසයේ දී සාමාන්‍ය මට්ටමට වඩා අඩු වර්ෂාපතනයක් ලැබීම නිසා නියඟ තත්ත්වය තවත් නරක අතට හැරෙනු ඇති.
සමස්තයක් වශයෙන්, පසුගිය මාස තුන තුළ (සැප්තැම්බර් සිට නොවැම්බර්-2024 දක්වා) සාමාන්‍යයට වඩා අඩු වර්ෂාපතනයක් වාර්තා වී තිබෙනවා.
අඛණ්ඩ වියළි දින ගණන (CDDs),එනම් මිලිමීටර් 1.0 ට අඩු වර්ෂාපතනයක් වාර්තා වූ දින 205ක උපරිමය බලුකිස්තානයෙන් වාර්තා වනවා.
දින 95ක අවමය සින්ද් සහ පන්ජාබ් පළාත්වලින් වාර්තා වන බව පාකිස්තාන කාලගුණ විද්‍යා දෙපාර්තමේන්තුව උපුටා දක්වමින් මාධ්‍ය වාර්තා කළා.
නියඟ තත්ත්වයන් සින්ද් සහ පන්ජාබ් පළාත්වල දැනටමත් නියඟයෙන් පීඩාවට පත් වූ ප්‍රදේශවල උග්‍ර විය හැකි අතර කෘෂිකර්මාන්තයට සැලකිය යුතු ලෙස බලපානු ඇති.
