දිවයිනේ බොහෝ ප්රදේශවල අද (23) පස්වරු 1.00න් පමණ පසුව වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව පවසනවා.
බස්නාහිර, සබරගමුව, මධ්යම, ඌව සහ දකුණු පළාත්වලත් කුරුණෑගල, අනුරාධපුර, අම්පාර සහ මඩකලපුව දිස්ත්රික්කවලත් ඇතැම් ස්ථානවලට මිලි මීටර් 75 ට වැඩි තරමක් තද වැසි ඇති විය හැකි බවයි එම දෙපාර්තමේන්තුව සඳහන් කළේ.
මඩකලපුව, අම්පාර සහ හම්බන්තොට දිස්ත්රික්කවල උදෑසන කාලයේදීත් වැසි ඇති විය හැකි බවද කාලගුණ නිවේදනයේ සඳහන්.
මධ්යම, සබරගමුව, උතුරු – මැද, ඌව පළාත්වලත් වවුනියාව සහ කුරුණෑගල දිස්ත්රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැකි බව ද එහි වැඩිදුරටත් සඳහන්ව තිබෙනවා.
ගිගුරුම් සහිත වැසි සමග ඇති විය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටිනවා.
