මේ වනවිට (20) දිවයින පුරා බලපැවැත්වෙන නිහඬ මැතිවරණ කාලසීමාව තුළ දී එය තවදුරටත් ප්රශස්ත අන්දමින් පවත්වා ගන්නා ලෙස මැතිවරණ ප්රචණ්ඩ ක්රියා නිරීක්ෂණ මධ්යස්ථානයේ ජාතික සංවිධායක මංජුල ගජනායක පවසනවා.
මෑතක දී පාර්ලිමේන්තුවේ දී සම්මත කරගන්නා ලද විශේෂ මැතිවරණ නීති සම්බන්ධයෙන් වන පනත යටතේ මැතිවරණ නීති උල්ලංඝනය කරන්නන් හට ලබාදෙන දඩ මුදල් සහ දඬුවම් ප්රමාණය ද ඉහළ බවයි හෙතෙම පෙන්වා දෙන්නේ.
එබැවින් කිසිදු අයුරකින් මැතිවරණය සම්බන්ධයෙන් සමාජ මාධ්ය ජාලාවල අසත්ය ප්රචාර පැතිරීම හෝ පෝස්ටර්ස් ඇලවීම හෝ යනාදිය හෝ කණ්ඩායමක් සමග හෝ එවන් නීතිවිරෝධී මැතිවරණ නීති රීති උල්ලංඝනය කිරීමක යෙදුණහොත් සිරගත කිරීම්වලට පවා ලක් විය හැකි බව ද මැතිවරණ නිරීක්ෂණ හා ප්රචණ්ඩ ක්රියා මධ්යස්ථානය පවසනවා.
පසුගිය වසරවල මැතිවරණ නීති උල්ලංඝනය කරමින් පනවා තිබූ පෝස්ටරයක් ඇලවීම සිදු කළහොත් වන රුපියල් 50ක දඩ මුදල් නව පනත යටතේ එක් පෝස්ටරයක් සඳහා රුපියල් 50000ක් දක්වා ඉහළ නංවා ඇති බව ද වාර්තා වනවා.
එබැවින් මංජුල ගජනායක මහතා ඡන්ද දායකයින්ගෙන් ඉල්ලා සිටින්නේ කිසිදු අයුරකින් මැතිවරණ නීති උල්ලංඝනය කිරීමකට යොමු නොවන ලෙසයි.
