ලංකා ධීවර සංස්ථාවේ හිටපු සභාපතිවරයෙකු ඇතුළු පුද්ගලයින් හතර දෙනෙක් අල්ලස් කොමිසම මඟින් අත්අඩංගුවට ගෙන තිබෙනවා.
ධීවර සංස්ථාවේ හිටපු සභාපති කළුවඩන වලව්වේ ලලිත් දවුලගල, කළමණාකාර අධ්යක්ෂවරයෙකු වූ රත්නවීර පටබැඳිගේ වන්දන ක්රිෂාන්ත, සැපයුම් කළමණාකරුවෙකු වූ කුරුන්දුව හේවගේ විජිත් පුෂ්ප කුමාර, මෙහෙයුම් කළමණාකරුවෙකු (වැඩබලන මුදල් කළමණාකරු) වූ ජයසුන්දර මුදියන්සේලාගේ අනුර චන්ද්රසේන බංඩාර යන අය අද (04) පස්වරුවේ
අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගත් බවයි වාර්තා වුණේ.
සැකකරුවන් කොළඹ ප්රධාන මහේස්ත්රාත් අධිකරණය වෙත ඉදිරිපත් කිරීමට නියමිතයි
2020 වර්ෂයේ දී ලංකා ධීවර සංස්ථාව වෙත, පැයකට මාළු කිලෝ 2000 ක් වැකුම් කර ඇසුරුම් කළ හැකි තරම් ඉහළ ධාරිතාවයකින් යුතු මාළු වැකුම් ඇසුරුම් යන්ත්රයක් මිලදී ගැනීම සඳහා අවශ්යතාවයක් නොමැති අවස්ථාවක ප්රසම්පාදන ක්රියාවලියෙන් බැහැරව එවැනි ධාරිතාවයකින් යුතු වැකුම් ඇසුරුම් යන්ත්රයක් එම ආයතනයට මිළදී ගැනීමෙන් රජයට රු. 5,856,116.00 ක පාඩුවක් සිදුකර දුෂණයක් සිදු කිරීමේ චෝදනාවක් සම්බන්ධව එහම සමාගමේ,
හිටපු සභාපතිවරයෙකු වූ කළු වඩන වලව්වේ ලලිත් දවුලගල
කළමණාකාර අධ්යක්ෂවරයෙකු වූ රත්නවීර පටබැඳිගේ වන්දන ක්රිෂාන්ත
සැපයුම් කළමණාකරුවෙකු වූ කුරුන්දුව හේවගේ විජිත් පුෂ්ප කුමාර
මෙහෙයුම් කළමණාකරුවෙකු (වැඩබලන මුදල් කළමණාකරු) වූ ජයසුන්දර මුදියන්සේලාගේ අනුර චන්ද්රසේන බංඩාර
යන අයවලුන් 2025.11.04 වන දින ප.ව. 2.30 පමණ අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.
එසේම, ඉහත ක්රියාවලියටම අදාළව සැපයුම් කළමණාකරු වශයෙන් කටයුතු කරමින් එකී මිළදී ගැනීම වෙනුවෙන් සැපයුම්කාර සමාගම වන යුරෝ මෙට් ෆුටෙක් පුද්ගලික ආයතනය වෙත ගෙවිය යුතුව තිබූ රු. 928,058.20 ක මුදලින් කොටසක් එම ආයතනයට මුදා හැරීම සිදුකර දීම වෙනුවෙන් අල්ලස් ඉල්ලීම හා අල්ලස් වශයෙන් රු. 100,000.00 ක මුදලක් තම පුද්ගලික ගිණුම වෙත බැර කරවා ගැනීම තුළින් තුටු පඩුරක් ඉල්ලීම හා තුටු පඩුර භාරගැනීම යන චෝදනාවට අදාළව ද ඉහත කුරුන්දුව හේවගේ විජිත් පුෂ්ප කුමාර (සැපයුම් කළමණාකරු) අත්අඩංගුවට ගන්නා ලදී.
