දකුණු අන්දමන් මුහුදු ප්රදේශය ආශ්රිතව අඩු පීඩන කලාපයක් නිර්මාණය වී ඇති බව කාලගුණ විද්යා දෙපාර්තමේන්තුව නිවේදනය කර තිබෙනවා.
එය බටහිරට බරව වයඹ දෙසට ගමන් කරමින් අනිද්දා (24) දින වන විට ගිනිකොන දිග බෙංගාල බොක්ක ප්රදේශයේ පීඩන අවපාතයක් දක්වා වර්ධනය වීමට ඉඩ ඇති බවයි එම දෙපාර්තමේන්තුව වැඩිදුරටත් නිවේදනය කරනු ලබන්නේ.
පහත දක්වා ඇති සිතියමේ ”Advisory” කාණ්ඩය යටතේ ලකුණු කර ඇති මුහුදු ප්රදේශ වල ගිගුරුම් සහිත තද වැසි ඇතිවන අතර, සුළගේ වේගය විටින් විට පැ.කි.මී. (55-65) දක්වා වැඩි වීමත් සමග එම මුහුදු ප්රදේශ විටින් විට රළු හෝ ඉතා රළු වන බව කාලගුණ නිවේදනයේ සඳහන් වනවා.
පහත සිතියමේ ”Warning” කාණ්ඩය යටතේ ලකුණු කර ඇති මුහුදු ප්රදේශ වල, ඉදිරි දිනවලදී ගිගුරුම් සහිත තද වැසි ඇතිවන අතර, සුළගේ වේගය විටින් විට පැ.කි.මී. (70-75) දක්වා වැඩි වීමත් සමග එම මුහුදු ප්රදේශ ඉතා රළු වන බවත් කාලගුණ විද්යා දෙපාර්තමේන්තුව විසින් පෙන්වා දෙනවා.
එබැවින් මෙම මුහුදු ප්රදේශවල, නැවත දැනුම් දෙනතුරු ධීවර සහ නාවුක කටයුතු වලින් වැළකී සිටින ලෙසයි එම දෙපාර්තමේන්තුව දැනුම් දෙන්නේ.
මේ වන විට එම ප්රදේශයේ ධීවර කටයුතු වල යෙදී සිටී නම් එම මුහුදු ප්රදේශවලින් ඉවත්වන ලෙසත් උපදෙස් ලබා දී තිබෙනවා.
ධීවර සහ නාවික ප්රජාවන්, මේ සම්බන්ධයෙන් කාලගුණ විද්යා දෙපාර්තමේන්තුව විසින් නිකුත් කරනු ලබන ඉදිරි අනාවැකි සහ නිවේදන පිළිබඳව අවධානයෙන් පසුවන ලෙසටත් එම දෙපාර්තමේන්තුව ඉල්ලා සිටිනවා.
