Rajapura Handi Oil
Rajapura Diabetic Powder

ධනාගේ ශතකයෙන් සවිමත් වූ ශ්‍රී ලංකා ඉනිම 312න් නවතී

පාකිස්ථාන සමඟ ගාල්ල ජාත්‍යන්තර ක්‍රිකට් ක්‍රීඩාංගනයේ දී පැවැත්වෙන පළමු ටෙස්ට් තරගයේ පළමු ඉනිම ක්‍රීඩාකළ ශ්‍රී ලංකා කණ්ඩායම සියල්ලන් දැවී ලකුණු 312ක් රැස් කිරීමට සමත් වුණා.

ශ්‍රී ලංකා ඉනිම එම තත්ත්වයට ගෙන ඒමට තනිව සටනක නිරත වූ ධනංජය ද සිල්වා ලකුණු 122ක් රැස් කළා.

ධනංජය අද වාර්තා කළේ සිය දසවන ටෙස්ට් ශතකයයි.

ඇන්ජලෝ මැතිව්ස් ලකුණු 64ක් රැස්කළ අතර සධීර සමරවික්‍රම ශ්‍රී ලංකා පිළ වෙනුවෙන් ලකුණු 36ක් රැස් කළා.

පන්දු යැවීමේ දී නසීම් ෂා සහ ෂහීන් ෂා අෆ්රිඩි ශ්‍රී ලංකා පළමු ඉනිමේ කඩුලු 03 බැඟින් බිඳ දැමුවා.

තරගයේ දෙවන දිනය අදයි.