බිත්තර හා කුකුළු මස් අපනයනය කිරීමේ අවස්ථා සොයා බලන ලෙස කෘෂිකර්ම අමාත්‍ය මහින්ද අමරවීර අදාළ නිලධාරීන්ට උපදෙස් දී තිබෙනවා.
මාලදිවයින ඇතුළු රටවල් කිහිපයකට දැනටමත් කුකුළු මස් සහ බිත්තර මෙරටින් අපනයනය කරන බවයි ඔහු සඳහන් කළේ.
මේ අතර දෙසැම්බර් උත්සවය සමය තුළ පරිභෝජනය ඉහළ යාමත් සමඟ බිත්තර සම්බන්ධයෙන් කිසියම් ගැටළුවක් ඇතිවිය හැකි බවයි අමාත්‍යවරයා සඳහන් කළේ.
කෙසේ වෙතත් දෙසැම්බර් මාසයෙන් පසුව මෙරටට බිත්තර ගෙන ඒමේ කිසිඳු අවශ්‍යතාවක් නොමැති බවයි කෘෂිකර්ම අමාත්‍යවරයා වැඩිදුරටත් සඳහන් කර සිටියේ.
එමෙන්ම ඉදිරියේදීත් කුකුළු මස් මිල අඩු කිරීමට ගත හැකි ක්‍රියාමාර්ග ගන්නා බවයි ඔහු පවසා සිටියේ.
2024 අගෝස්තු මාසය වන විට බිත්තර අතිරික්තයක් ඇති කිරීමට අපේක්ෂා කරන බවත්, ලෝක වෙළෙඳපොළේ ඇති අවස්ථා සොයා බැලීමට දැනටමත් සැලසුම් සකස් කර ඇති බවත් කෘෂිකර්ම අමාත්‍යවරයා මාධ්‍ය හමුවකට එක්වෙමින් පැවසුවා.
