දූෂණ විරෝධී පනත් කෙටුම්පත සියලු පක්ෂ නායකයින් සහ සිවිල් සංවිධාන වෙත යොමු කිරිමට පියවර ගෙන ඇති බව අධිකරණ අමාත්‍යාංශය පවසනවා.
අධිකරණ අමාත්‍ය ආචාර්ය විජයදාස රාජපක්ෂ සඳහන් කළේ මෙම පනත් කෙටුම්පත පිළිබඳව සියලු පාර්ශ්වවල අදහස් හා යෝජනා ලබාගැනිමේ අරමුණින් එය මෙලෙස යොමු කිරීමට තීරණය කළ බවයි.
සියලු පාර්ශ්වවල අදහස් ලබා ගැනීමෙන් අනතුරුව මෙම පනත් කෙටුම්පත පාර්ලිමෙන්තු අනුමැතිය සඳහා ඉදිරිපත් කර බව අමාත්‍යවරයා වැඩිදුරටත් සඳහන් කර සිටියා.
දුෂණයට එරෙහි එක්සත් ජාතීන්ගේ ප්‍රඥප්තිය පදනම් කර ගනිමිනුයි මෙම නව පනත් කෙටුම්පත සකස් කර ඇත්තේ.
