දුම්රිය දෙපාර්තමේන්තුවේ සේවකයින් අනීතික අන්දමින් තලාපෙලා දමන ක්රියාමාර්ගය එරෙහිව ඉදිරියේ දී දැඩිව කටයුතු කරන බව ලොකොමෝටිව් නිලධාරීන්ගේ සංගමය පවසනවා.
එම සංගමයේ ලේකම් එස්.ආර්.සී.එම් සේනානායක සඳහන් කළේ, සියලුම දුම්රිය වෘත්තීය සමිති ඒකාබද්ධව මේ සම්බන්ධයෙන් ඉදිරිදී පියවර ගැනීමට කටයුතු කරන බවයි.
මේ අතර දෙවනපෙළ දුම්රිය එන්ජින් රියදුරන් මුහුණ දුන් විභාගයේ ප්රතිඵල, විභාගය පවත්ව මාස 06ක් ගත වී ඇතත් තවමත් නිකුත් කිරීමට දුම්රිය දෙපාර්තමේන්තුට හැකියාව නොලැබී ඇති බවයි ලේකම්වරයා පවසන්නේ.
ඒ අනුව දුම්රිය දෙපාර්තමේන්තුවේ අකාර්යක්ෂමතාව මින් මානව පිළිබිඹුවන බව ඔහු සඳහන් කර සිටියා.
මේ අතර පසුගිය දා පීලිපැනීමට ලක්වූ සාගරිකා දුම්රිය, පීලි පැනීමට ලක්වූ ප්රදේශයේ දී රියදුරා විසින් නියමිත වේග සීමාවේ ධාවනය කර ඇති බවට සංගමයක් ලෙස විශ්වාස කරන බවයි ඔහු වැඩිදුරටත් පැවසුවේ.
කෙසේ වෙතත් දුම්රිය පීලි පැනීමට ලක් වූ එස්ථානයේ කිසිඳු වේග සීමාවක් සඳහන් කර නොතිබූ බවත් ඔහු පවසනවා.
wpDiscuz
