බෙලිඅත්ත දෙසට ධාවනය වෙමින් තිබූ සාගරිකා දුම්රියට මාතර දුම්රිය ස්ථානයේ දී ගොඩවීමට උත්සාහ කළ තරුණයෙකු ඉන් ඇද වැටී ජීවිතක්ෂයට පත්ව තිබෙනවා.
ඊයේ (17) පස්වරුවේ මෙම අවාසනාවන්ත සිදුවීමට මුහුණ පා ඇත්තේ මාතර – දික්වැල්ල ප්‍රදේශයේ තරුණයෙක් බවයි වාර්තා වුණේ.
අදාල තරුණයා රැකියාව නිම වී යළි නිවස බලා යමින් සිටිය දී මෙම අනතුරට මුහුණ පා තිබෙනවා.
දුම්රියෙන් ඇද වැටීමෙන් පසු දුම්රිය සහ දුම්රිය වේදිකාව අතර සිරව සිටි මෙම තරුණයා බේරා ගැනීමට එහි සිටි පිරිස මහත් පරිශ්‍රමයක් දරා ඇති නමුත් එය ව්‍යර්ථ වී ඇති බවයි අප වාර්තාකරු සඳහන් කළේ.
