දුම්කොළ අඩංගු බුලත් විට විකිණීම තහනම්

බුලත් විට සම්බන්ධයෙන් ලංකාවේ තිබෙන නීතිය පිළිබඳව ජනතාවට නිසි අවබෝධයක් හෝ දැනුමක් නොමැති බව මහජන සෞඛ්‍ය පරීක්ෂකවරුන්ගේ සංගමය පවසනවා.

එම සංගමය පවසන්නේ බුලත් විටක දුම්කොළ අන්තර්ගත විය නොහැකි බවත්, දුම්කොළ අඩංගු බුලත් විට ලංකාවේ නීතියෙන් තහනම් බවයි.

2016 01 නියෝගයට අනුව දුම්කොළ අන්තර්ගත බුලත් විට විකිණීම, ළඟ තබාගැනීම, විකිණීමට ඉදිරිපත් කිරීම, බෙදාහැරීම, ගබඩා කිරීම යන කාරණා නීතියට අනුව වරදක් වනවා.

මහජන සෞඛ්‍ය ආරක්ෂා කිරීමට මෙම නීතිය ගෙනවිත් ඇති බවයි එම සංගමය වැඩිදුරටත් පවසන්නේ.