වවුනියාව මාමඩුව වැව අද්දර මඩ වළක එරී සිටි අලි පැටවෙකු වන ජීවී නිලධාරීන් පිරිසක් විසින් අද (04) මහත් පරිශ්රමයක් දරා එම වන අලි පැටවාව බේරා ගෙන තිබෙනවා.
අවුරුද්දකටත් වඩා අඩු වයස මෙම වන අලි පැටවා වන අලි රංචුවක් සමග දිය බීමට මාමඩුව වැව දෙසට යමින් සිටියදී වැව අද්දර වූ මඩ වළක එරී තිබේ.සෙසු වන අලි මෙම පැටවා බේරා ගෙන ආපසු යාමට උත්සහ කළත් එය අසීරු වූ තැන වන අලි රංචුව කෑ මොර දෙමින් වනය අද්දර රැදී සිට ඇත.
ගවයින් රැගෙන ගිය මාමඩුව ගමේ ගැමියෙකුට මඩේ එරී සිටි වන අලි පැටවා දැක ගැනීමට ලැබී ඇත්තේ දින හයකට පමණ පසුවය.
ඔහු ඒ පිළිබදව මාමඩුව පොලීසියට දැනුම් දීමෙන් පසුව පොලීසිය වනජීවී නිලධාරීන් කැදවා ගම්වාසීන්ගේද සහය ඇතිව පැය පහක පමණ කාලයක් දැඩි ලෙස මහන්සි වීමෙන් පසුව වන අලි පැටවා ගේ ජීවිතය බේරා ගැනීමට හැකි වී තිබේ.
