ගුජරාටයේ සූරත්හි සිදු වූ බිහිසුණු අනතුරකින් 13 හැවිරිදි පිරිමි ළමයෙකු දිවි ගලවා ගත් පුවතක් ඉන්දීය මාධ්ය වාර්තා කරනවා.
ගොඩනැගිල්ලක තුන්වන මහලෙන් ඇද වැටුණු මෙම ළමයාගේ උරහිස හරහා සිදුරු වී මුඛය හරහා යකඩ කූරක් පිටතට පැමිණ ඇති බවයි වාර්තා වන්නේ.
යකඩ කූරක් උරහිසට සිදුරු කිරීමෙන් පසු මුඛයෙන් පිටතට පැමිණ දිවි ගලවා ගත් පිරිමි ළමයෙක් පිළිබඳ පුවතක් ඉන්දීය මාධ්ය වාර්තා කරනවා.
ඉන්දියාවේ ගුජරාටයේ සූරත්හි මෙම සිදුවීම සිදුව ඇති බවයි තොරතුරු වාර්තා වන්නේ.
වයස අවුරුදු 13ක නාසිෂ් නමැති මෙම පිරිමි ළමයා මුස්ලිම් පල්ලියක තුන්වන මහලේ මිතුරන් සමඟ සෙල්ලම් කිරීමට ගොස් තිබුණා.
එහිදී පල්ලියේ ඉහළ මට්ටමේ සිට යාබදව ඉදිකරමින් පවතින ගොඩනැගිල්ලකට පැනීමට උත්සාහ කිරීමේ දී ඔහුගේ පාදය පැටලී බිම් මහලට ඇද වැටී තිබෙනවා.
එම අවස්ථාවේ දී උරහිස හරහා යකඩ කූරක් සිදුරු කර ඔහුගේ මුඛය හරහා පිටතට පැමිණ ඇති බවයි වාර්තා වුණේ.
අවට සිටි පිරිස කඩිනමින් ක්රියාත්මක වී යකඩ කූර එම ස්ථානයෙන් කපා දමා, මුඛයෙන් පිටතට නෙරා ඇති කැබැල්ල සමඟ ළමයා සූරත් සිවිල් රෝහලට රැගෙන යාමටයි කටයුතු කර ඇත්තේ.
පසුව පැයක් පුරා පැවති සැත්කමකින් අනතුරුව ඉතා ආරක්ෂිත ලෙස යකඩ කූර ඉවත් කිරීමට වෛද්යවරුන් පියවර ගෙන තිබෙනවා.
ළමයා මේ වන විට දැඩි සත්කාර ඒකකයේ සුවය ලබමින් සිටින අතර, සම්පූර්ණයෙන්ම ස්ථාවර වූ පසු සාමාන්ය වාට්ටුවට මාරු කර බවයි වෛද්යවරුන් පවසා ඇත්තේ.
