විස්සයි විස්ස ලෝක කුසලාන තරගාවලියේ සුපිරි 12 වටයේ අද පැවති තරගයකින් ප්රබල දකුණු අප්රිකාව පරදා විශිෂ්ඨ ජයක් ලබන්නට නෙදර්ලන්තයට හැකියාව ලැබුණා.
දකුණු අප්රිකාව පරාජය කරමින් නෙදර්ලන්තය මෙම තරගය ජය ගත්තේ ලකුණු 13කින්.
තරගයේ කාසියේ වාසිය දිනූ දකුණු අප්රිකානුවන්ගේ ආරාධනයෙන් පළමුව පන්දුවට පහරදුන් නෙදර්ලන්තය නියමිත පන්දුවාර 20 තුළ කඩුලු 04ක් දැවී ලකුණු 158ක් රැස් කිරීමට සමත් වුණා.
එහිදී ආරම්භක පිතිකරු ස්ටෙෆාන් මයිබර්ග් ලකුණු 37ක් රැස්කළ අතර, කොලින් ඇකර්මන් නොදැවී රැස්කළ ලකුණු සංඛ්යාව 41ක්.
පන්දු යැවීමේ දී කේෂව් මහාරාජ් නෙදර්ලන්ත කඩුලු 02ක් බිඳ දැමුවා.
ලකුණු 159ක ඉලක්කය හඹා යාමට පිටියට පිවිසි දකුණු අප්රිකානුවන් පන්දුවාර 20 තුළ කඩුලු 08ක් දැවී ලකුණු 145කට සීමා කරන්නට නෙදර්ලන්ත පන්දු යවන්නන්ට හැකියාව ලැබුණා.
ඒ, අනුව මෙම තරගයෙන් නෙදර්ලන්තය ලකුණු 13ක පෙරළිකාර ජයක් හිමි වුණා.
නෙදර්ලන්තය ලැබූ මෙම ජයත් සමඟ ප්රබල දකුණු අප්රිකානුවන්ට මෙවර පන්දුවාර විස්ස ලෝක කුසලාන තරගාවලියෙන් ඉවත්වීමට සිදුවීම විශේෂත්වයක්.
එමෙන්ම නෙදර්ලන්තයට ද මෙවර තරගවලින් ඉවත්වීමට සිදුවනවා.
