දක්ෂිණ අධිවේගී මාර්ගයේ කොටස් දෙකක ගමනාගමනය සීමා කෙරේ

දක්ෂිණ අධීවේගී මාර්ගයේ ගැලනිගම, දොඩංගොඩ අතර කිලෝමීටර් 17, 19, 28 හා 30 යන කොටස් දෙකෙහි මාතර දෙසට දිවෙන මාර්ගයේ අළුත්වැඩියා කටයුත්තක් හේතුවෙන් රථවාහන ගමනාගමනය සීමා කර තිබෙනවා.

මෙම කොටස් දෙක අතර රථ වාහන ධාවනය කොළඹ දෙසට ඇති මංතීරු 02 දෙපසට ගමන් කළ හැකි පරිදි බෙදා රථවාහන ධාවනයට කටයුතු සලසා ඇති බවයි පොලිසිය පවසන්නේ.

මෙම හේතුවෙන් එම ස්ථාන ආසන්නයේ රථ වාහන තදබදයක් ඇති විය හැකි බැවින් සහ අනතුරු සිදුවිය හැකි බැවින් එම ප්‍රදේශ හරහා ගමන් කිරීමේ දී සැලකිලිමත්ව රිය ධාවනය කරන ලෙස පොලිසිය රියැදුරන්ගෙන් ඉල්ලා සිටිනවා.