තෙවැනි තරගයේ ජයත් ඔස්ට්‍රේලියාවට

ඔස්ට්‍රේලියාව සහ ශ්‍රී ලංකාව අතර පැවති තෙවැනි 20/20 ජාත්‍යන්තර තරගයෙන් ජය වාර්තා කිරීමට ඔස්ට්‍රේලියාව සමත්විය.

ඔස්ට්‍රේලියානු ඉනිමේ පළමු පන්දුවෙන්ම බෙන් මැක්ඩර්මට් ව ලකුණු බිංදුවකට දවාලීමට මහීෂ් තීක්ෂණ සමත් විය.
  
ජයග්‍රහණය සඳහා ලකුණු 122ක් හඹා ගිය සත්කාරක ඔස්ට්‍රේලියානු කණ්ඩායම පන්දු ඕවර 16.5කදී කඩුලු 4ක් දැවී ජයග්‍රහණයට අවශ්‍ය ලකුණු සංඛ්‍යාව ලබාගත්තේය.

ඒ අනුව තරග 5කින් සමන්විත තරගාවලිය 3 බින්දුවක් ලෙස ජය ගැනීමට ඔස්ට්‍රේලියනුවන් මේ වනවිට සමත් වී තිබේ.

ඔස්ට්‍රේලියාව වෙනුවෙන් නායක අරොන් ෆින්ච් ලකුණු 35ක් ලබාගත් අතර ග්ලෙන් මැක්ස්වෙල් ලකුණු 39ක් රැස්කළේය.

ඔහුගේ අපහසු උඩපන්දු කිහිපයක් ශ්‍රී ලංකා ක්‍රීඩකයින් අතින් ගිලිහුනි.

පන්දු යැවීමෙන් මහීෂ් තීක්ෂණ කඩුලු 3ක් දවා ගත්තේය.

කාසියේ වාසිය දිනු ඔස්ට්‍රේලියා කණ්ඩායම පළමුව පන්දුවට පහරදීමට ශ්‍රී ලංකාවට ආරාධනා කළේය.

ඒ අනුව ශ්‍රී ලංකා කණ්ඩායම සිය පන්දු ඕවර 20 අවසානයේදී කඩුලු 6ක් දැවී ලකුණු 121ක් ලබාගත්තේය.

ශ්‍රී ලංකා කණ්ඩායමේ ඉදිරිපෙළ පිතිකරුවන්ට වැඩි දස්කම් දැක්වීමට ඔස්ට්‍රේලියානු පන්දුයවන්නෝ ඉඩ නොදුන්හ.