තැපැල් ගාස්තු හෙට දිනයේ සිට ඉහළට

හෙට (09) දිනයේ සිට දේශීය තැපැල් ගාස්තු ඉහළ දැමීමට තැපැල් දෙපාර්තමේන්තුව තීරණය කර තිබෙනවා.

ගාස්තු සංශෝධනයෙන් පහත සේවාවන් සඳහා වූ ගාස්තු සංශෝධනය කර ඇති අතර, අනෙකුත් සේවාවන්හි ගාස්තු නොවෙනස්ව පවතින බවයි එම දෙපාර්තමේන්තුව නිවේදනය කරන්නේ.

ඒ, අනුව ගාස්තු සංශෝධනය වන සේවාවන් පහතින්,

i. සාමානය ව්‍යාපාරික ලිපි සේවාව
ii. කොළඹ නාගරික බෙදීම් කලාප 15 ඇතුළත බෙදීමට මධ්‍ය කැපැල් හුවමාරුව වෙතින් භාරගන්නා ලිපි
iii. පුණ්‍යාය සමාජ සේවා ස්වේච්ඡා සංවිධාන වලින් තැපැල් කරන ලිපි
iv. අමෘත්‍යාංශ හා රාජ්‍ය දෙපාර්තමේන්තු වෙත තැපැල් භාණ්ඩ ලියාපදිංචිය වෙනුවෙන් ලබාදෙන විශේෂ සේවාව
v. තැපැල්පතක් සඳහා ගාස්තු
vi. මුද්‍රිත ද්‍රව්‍ය විවෘත පැකට්ටු / ලිපි සේවාව
vii. තැපැල් මගින් යැවීම සඳහා තැපැල් දෙපාර්තමේන්තුවේ ලියාපදිංචි කළ පුවත්පත් ප්‍රකාශන හා වාර සඟරා සේවාව
viii. ප්‍රචාරණ තැපැල් සේවාව
ix. ටේලිමේල් සේවාව.
x. මුද්දර කවර
xi. තැපැල් මලු සේවාව
xii. ගාස්තු නොගෙවූ හෝ අඩුවෙන් ගාස්තු ගෙවූ තැපැල් භාණ්ඩය සඳහා අවම අධිහාරය

ඊට අමතරව සාමාන්‍ය/ ව්‍යාපාරික ලිපි සෝවාවේ මූලික බර පංතිය ග්‍රෑම් 20 සිට ග්‍රෑම් 30 ලෙස සංශෝධනය කර තිබෙනවා.

එමෙන්ම ප්‍රචාරණ පත්‍රිකා බෙදාහැරීමේ සේවාවේ ගාස්තුව බෙදීම් කලාපය තුළ හා පරිබාහිර බෙදීම් ලෙස ආකාර දෙකකින් හඳුන්වා දී ඇති අතර, පත්‍රිකාවක හෝ පත්‍රිකා කට්ටලයක උපරිම බර ග්‍රෑම් 100 සිට ග්‍රෑම් 120 ලෙස සංශෝධනය කර ඇති බව සඳහන්.