තමන් චීනයට පිටුවහල් නොකරන්නැයි ඉල්ලා උයිගර් වැසියන් පිරිසක් තායිලන්තයේ දී මාරාන්තික උපවාසයක් ආරම්භ කර තිබෙනවා.
උයිගර් සරණාගතයින් 48 දෙනෙක් ආරම්භ කළ මෙම උපවාසයට අදට (27) දින 15ක්.
මාධ්‍ය නිවේදනයක් නිකුත් කරමින් ලෝක උයිගර් කොංග්‍රසය ප්‍රකාශ කළේ 2014 දී නැගෙනහිර තුර්කිස්ථානයේ හිංසා පීඩාවලට ලක්ව පලා ගිය මෙම සරණාගතයින් චීනයට ආපසු යාමට බල කළහොත් “දරුණු ප්‍රතිවිපාක” අවදානමට ලක්ව ඇති බවයි.
UNHCR නිලධාරීන් හමුවීමට හැකි වන තෙක් තම උපාවසය දිගටම කරගෙන යන බවට රැඳවියන් සපථ කර ඇතත් තායි බලධාරීන් තවමත් ඔවුන්ගේ ඉල්ලීම්වලට ප්‍රතිචාර දක්වා නැහැ.
