වසර 11කට වැඩි කාලයක් තායිලන්තයේ රඳවා සිටි උයිගර් ජාතිකයන් 40 දෙනෙකු චීනයට පිටුවහල් කිරීම එක්සත් ජාතීන්ගේ මානව හිමිකම් පිළිබඳ කොමසාරිස් වොල්කර් ටර්ක් විසින් හෙළා දකිමින් එය ජාත්‍යන්තර මානව හිමිකම් නීති සහ ප්‍රමිතීන් පැහැදිලිව උල්ලංඝනය කිරීමක් ලෙස හඳුන්වනු ලැබුවා.
උයිගුර්වරුන් 40 දෙනෙකු බලහත්කාරයෙන් ආපසු යැවීම පිළිබඳ ඔහු කණගාටුව ප්‍රකාශ කළා.
” ඔවුන් නැවත පැමිණීමෙන් පසු වධහිංසා පැමිණවීම, අයහපත් ලෙස සැලකීම හෝ වෙනත් සුව කළ නොහැකි හානියක් සිදුවීමේ සැබෑ අවදානමක් පවතින අවස්ථාවන්හිදී පිටුවහල් කිරීමේ තහනම් වන පසුබිමක මෙම සිද්ධිය එම මූලධර්මය උල්ලංඝනය කිරීමකි,” ටර්ක් පැවසුවා.
ජාත්‍යන්තර ආරක්ෂාව අවශ්‍ය පුද්ගලයින් සම්බන්ධයෙන් ජාත්‍යන්තර නීතිය යටතේ ඔවුන්ගේ බැඳීම්වලට ගරු කරන ලෙස තම කාර්යාලය තායි බලධාරීන්ගෙන් නැවත නැවතත් ඉල්ලා ඇති බව ටර්ක් සඳහන් කළ බවයි වාර්තා වන්නේ.
ඔවුන් සිටින ස්ථානය පිළිබඳව චීන බලධාරීන් තොරතුරු හෙළි කිරීම වැදගත් බව ද හෙතෙම කියා සිටියා.
ඔවුන් සිටින ස්ථානය හෙළි කරන ලෙස චීනයෙන් ඉල්ලා සිටි ඔහු, “ඔවුන් සිටින ස්ථානය හෙළි කිරීම සහ ජාත්‍යන්තර මානව හිමිකම් ප්‍රමිතීන්ට අනුකූලව ඔවුන්ට සලකන බව සහතික කිරීම චීන බලධාරීන් විසින් දැන් කළ යුතුව තිබේ.” යනුවෙන්.
