තාක්ෂණික අඩුපාඩු සහිත දුම්රිය ධාවනයෙන් දුම්රිය රියදුරන් ඉවත්වීමට ලොකමෝටිව් රියදුරන්ගේ සංගමය තීරණය කර තිබෙනවා.
එම සංගමයේ කැඳවුම්කරු ඉන්දික දොඩංගොඩ සඳහන් කළේ ඊයේ (26) දිනයේ සිට දුම්රිය ධාවනයේ දී වේග සීමා ද තරයේ පිළිපදින බවයි.
මේ අතර තාක්ෂණික අඩුපාඩු සහිත දුම්රිය එන්ජින්වල නඩත්තු කටයුතු සඳහා යම් කාලසීමාවක් දුම්රිය දෙපාර්තමේන්තුව ලබාදීමට ලොකමෝටිව් ඔපරේටින් ඉංජිනියස් සංගමයේ විධායක කමිටුව තීරණය කර තිබෙනවා.
එම සංගමයේ සභාපති ජීව ගුණවර්ධන අද මාධ්ය හමුවක් පවත්වමින් මේ බව සඳහන් කළා.
එහිදී සභාපතිවරයා පැවසුවේ දුම්රිය දෙපාර්තමේන්තුවට ලබාදෙන කාලසීමාව තුළ නිසිපරිදි නඩත්තු කටයුතු සිදුනොවූ දුම්රිය එන්ජින් සහ බලවේග කට්ටල ධාවනය ප්රතික්ෂේප කරන බවයි.
මේ අතර අද (27) පෙරවරුවේ කාර්යාල දුම්රිය රැසක් ප්රමාදවීමෙන් මගීන් රැසක් අපහසුතාවයට පත් වුණා.
ඔබේ ප්රතිචාරය කුමක්ද ?
+1
1
+1
+1
4
+1
+1
+1
+1
1
