ත්රස්තවාදය වැළැක්වීමේ පනත (PTA) යටතේ අත්අඩංගුවට ගැනුණු දෙමළ හිප් හොප් කලාකරුවෙකු වන සංගීත්සන් ගනේස්කුමාර් හෙවත් හිපොප් සංගී, නිදහස් කිරීම සම්බන්ධයෙන් ශ්රී ලංකා පොදුජන පෙරමුණේ පාර්ලිමේන්තු මන්ත්රී නාමල් රාජපක්ෂ සිය සතුට පළකර තිබෙනවා.
සිය නිල එක්ස් ගිණුමේ සටහනක් තබමින් නාමල් රාජපක්ෂ මන්ත්රීවරයා මේ බව සඳහන් කරනවා.
නාමල් රාජපක්ෂ මන්ත්රීවරයා එහි දක්වා ඇත්තේ, කලාකරුවා නිදහස් කිරීමට ගත් තීරණය වටා ඇති දේශපාලනය පිළිබඳව තමන් අදහස් නොදක්වන බවයි.
නාමල් මන්ත්රීවරයා කලාකරුවාට තවදුරටත් සුබ පතමින්, ඔහු තම දක්ෂතා සහ අභිලාෂයන් ධනාත්මක හා අර්ථවත් ආකාරයකින් හඹා යනු ඇතැයි බලාපොරොත්තුවන බව එහි වැඩිදුරටත් දක්වා තිබෙනවා.
නාමල් රාජපක්ෂගේ එක්ස් සටහන පහතින්.
“මෙම තීරණය පිටුපස ඇති දේශපාලනය පිළිබඳව මම අදහස් දක්වන්නේ නැහැ.
වැදගත් වන්නේ තරුණ කලාකරු සංගීත්සන් නිදහස් කර ඔහුගේ පවුලේ අය සමඟ නැවත එක්වීමයි. එය සිදුවීම දැකීම ගැන මම සතුටු වෙමි.
ඔහුට අනාගතයට සුභ පතන අතර ඔහු තම දක්ෂතා සහ අභිලාෂයන් ධනාත්මක හා අර්ථවත් ආකාරයකින් හඹා යාමට බලාපොරොත්තු වෙමි.”
