ත්‍යාග ප්‍රදානයේදී සිදු වූ දෝෂය ගැන ශ්‍රී ලංකා ක්‍රිකට් සමාව අයැදී

ශ්‍රී ලංකාව සහ පකිස්තානය අතර ගාල්ලේ පැවති ටෙස්ට් තරඟයේ ත්‍යාග ප්‍රදානය කිරීමේ උත්සවය අතරතුර ඇති වූ අපහසුතාවයක් පිළිබඳ ශ්‍රී ලංකා ක්‍රිකට් ආයතනය සමාව ඉල්ලා තිබෙනවා.

කපිතාන් බබාර් අසාම්ට ත්‍යාග සහිත ඉදිරිපත් කිරීමේ චෙක්පතක් ලැබුණු අතර එහි ලිඛිතව සටහන්වී තිබුණේ ඩොලර් 2000ක් ලෙසටයි. එහෙත් එහි සංඛ්‍යාවලින් ඩොලර් 5000ක් සටහන් කර තිබුණා.

එම වරද නිවැරදි කර පාකිස්තානයට ඩොලර් 5000ක් පිරිනැමූ බවයි ශ්‍රී ලංකා ක්‍රිකට් ආයතනය පැහැදිලි කළේ.

මේ සම්බන්ධයෙන් ක්‍රිකට් ආයතනය පැහැදිළි කිරීමක් සිදු කර තිබෙනවා.

ශ්‍රී ලංකාව සහ පාකිස්තානය අතර අවසන් වූ පළමු ටෙස්ට් තරගයේ ජයග්‍රාහකයා සඳහා පිරිනැමූ ත්‍යාග මුදල ඇමෙරිකානු ඩොලර් 5000 ක් බව ශ්‍රී ලංකා ක්‍රිකට් (SLC) මහජනතාවට දන්වා සිටී. මේ අතර අවසන් වූ 1 වැනි ටෙස්ට් තරගයේ ජයග්‍රාහකයාට පිරිනැමුණු ‘ඉදිරිපත් කිරීමේ චෙක්පත’ සම්බන්ධයෙන් සිදුවූ දෝෂය පිළිබඳව අපගේ කණගාටුව ප්‍රකාශ කරමු. තරඟයෙන් පසු ඉදිරිපත් කිරීමේ සම්මාන ශ්‍රී ලංකාවේ අභ්‍යන්තර සංචාර සඳහා හිමිකම් දරන්නා විසින් සකස් කරනු ලබන අතර, මෙම අවස්ථාවෙහිදී ITW උපදේශනය වන අතර එය 2023-27 කාලසීමාව සඳහා හිමිකම් ලබා ඇත. එසේ වුවද, ක්‍රීඩාවේ පාලක මණ්ඩලය ලෙස ශ්‍රී ලංකා ක්‍රිකට් මෙම සිදුවීමේ සම්පූර්ණ වගකීම භාර ගන්නා අතර අනාගතයේදී එවැනි ‘දෝෂ’ වළක්වා ගැනීමට පියවර ගන්නා බවට ක්‍රිකට් ලෝලීන්ට පොරොන්දු වීමට බලාපොරොත්තු වේ.

Statement from Sri Lanka Cricket 

Sri Lanka Cricket (SLC) wishes to inform the public that the prize money presented for the winner of the concluded 1st test match between Sri Lanka and Pakistan was a sum of US$ 5000.

In the meantime, we express our regret for the error that was caused in the ‘presentation cheque’ awarded to the winner of the concluded 1st test match between the two teams.

The post-match presentation awards are prepared by the Ground Rights Holder for Sri Lanka’s inbound tours, which in this case is ITW Consulting, which has acquired the rights for the period of 2023–27.

Nevertheless, Sri Lanka Cricket, as the governing body of the game, will take total responsibility for the mishap and wish to promise the cricket-loving public that in the future, steps will be taken to ensure that such ‘errors’ are avoided.