ඇමරිකානු ඩොලර් මිලියන 2.5ක විදේශ ණය වංචාව සම්බන්ධයෙන් රජයේ මුදල් පිළිබඳ කාරක සභාව (COPF) නිකුත් කළ වාර්තාව සත්යයෙන් අඩක් පමණක් හෙළි කරන වාර්තාවක් බව එක්සත් ජාතික පක්ෂය පවසනවා.
නිවේදනයක් නිකුත් කරමින් එක්සත් ජාතික පක්ෂය චෝදනා කරන්නේ අදාළ වාර්තාවෙන් හැකර්වරු මුදල් සොරගත්තේ කෙසේද යන්න පිළිබදව සාර්ථකව විස්තර කරන නමුත් එය ඉහළ පෙළේ නිලධාරීන් ආරක්ෂා කිරීම සඳහා සකස් කළ ලේඛනයක් බවයි.
මෙම වංචාව පද්ධතිමය අසාර්ථකත්වයක් (Systemic Failure) ලෙස දක්වමින් රජය සහ ඉහළ නිලධාරීන් වගකීමෙන් මිදීමට උත්සාහ කරන බව අදාළ නිවේදනයේ වැඩිදුරටත් දැක්වෙනවා.
මධ්යම මට්ටමේ නිලධාරීන් සිව්දෙනෙකුගේ වැඩ තහනම් කරමින් පහළ නිලධාරීන් බිලිදීමට කටයුතු කර ඇති නමුත්, මහජන මුදල් පිළිබඳ ප්රධාන ගණන්දීමේ නිලධාරියා වන භාණ්ඩාගාර ලේකම්වරයා සහ මුදල් අමාත්යවරයා වෙත චෝදනා එල්ල කිරීම මෙම වාර්තාව මඟින් මඟහැර ඇති බවද එක්සත් ජාතික පක්ෂය නිකුත් කළ නිවේදනයේ වැඩිදුරටත් දැක්වෙනවා.
එක්සත් ජාතික පක්ෂය නිකුත් කළ නිවේදනය මෙතැනින්..
