රාජ්ය නිලධාරීන් අතර කෘත්රිම බුද්ධිය (AI) භාවිතය ප්රවර්ධනය කිරීමේ අරමුණින්, ජනාධිපති ලේකම් කාර්යාලය, ඩිජිටල් ආර්ථික අමාත්යාංශය සමඟ එක්ව ක්රියාවට නංවා ඇති “AI for Transforming Public Service” පුහුණු වැඩමුළුව පසුගිය 27 වන දා උතුරු පළාත් ප්රධාන ලේකම් කාර්යාලයේදී පැවැත්වුණා.
ඩිජිටල්කරණය සහ කෘත්රිම බුද්ධිය (AI) භාවිතය තුළින් රාජ්ය අංශයේ නව්යකරණය සහ ප්රතිසංස්කරණය, මහජන සේවා කාර්යක්ෂම කිරීම, නව විදේශ පුහුණු අවස්ථා සදහා යොමු කිරීම, ඩිජිටල් ආර්ථික ප්රතිපත්ති සදහා සූදානම් කිරීම, රාජ්ය නිලධාරීන්ගේ කෘත්රීම බුද්ධිය පිළිබඳ සාක්ෂරතාව වැඩිදියුණු කිරීම, දියුණු ලෝකයට සරිලන නිලධාරියෙකු නිර්මාණය කිරීම මෙම වැඩසටහනේ අරමුණ වනවා.
ඩිජිටල් ආර්ථිකය පිළිබඳ ජනාධිපති ජ්යෙෂ්ඨ උපදේශක ආචාර්ය හාන්ස් විජේසූරිය මෙම වැඩමුළුවේ ප්රධාන දේශනය සිදු කළ අතර, ජනාධිපති ලේකම් කාර්යාලයේ නිලධාරීන් සම්පත් දායකයෝ ලෙස එක් වුණා.
වැඩසටහන අවසානයේ ජාත්යන්තර වශයෙන් පිළිගන්නා වටිනා සහතිකපත් ප්රදානයක්ද සිදු කෙරුණා.
උතුරු පළාත් ආණ්ඩුකාර නාගලිංගම් වේදනායහන්, උතුරු පළාත් ප්රධාන ලේකම් තනුජා මුරුගේසන්, උතුරු පළාත් නියෝජ්ය ප්රධාන ලේකම්, පළාත් අමාත්යාංශ ලේකම්වරු, දෙපාර්තමේන්තු ප්රධානීන් සහ උතුරු පළාතේ රාජ්ය ආයතනවල විධායක නිලධාරීන් මෙම අවස්ථාවට එක්ව සිටියා.
