ජනාධිපතිවරයා විසින් ගැසට් නිවේදනයක් මඟින් නියෝග කර ඇති ජන හා නිවාස සංගණනය 2024 වසරේ අගෝස්තු 05 සිට සැප්තැම්බර් 07 වනදා දක්වා ක්රියාත්මක කිරීමට බලාපොරොත්තු වන බව ශ්රී ලංකා එක්සත් ග්රාම නිලධාරී සංගමය පවසනවා.
එම සංගමයේ සභාපති අතුල සීවනආරච්චි අද (11) මාධ්ය හමුවක් පවත්වමින් සඳහන් කළේ මේ සඳහාවන නියමු ව්යාපෘති දිස්ත්රික්ක තුනක ක්රියාත්මක කර අවසන් බවයි.
මෙවර සංගණන කටයුතු විද්යුත් තාක්ෂණික උපකාර උපයෝගී කරගනිමින් සිදුකරන බව සඳහන් කළ සභාපතිවරයා, මෙහිදී කාර්යන් 04ක් එක් ග්රාම නිලධාරීවරයෙකුට කිරීමට සිදුවන බවයි පැවසුවේ.
එම කටයුත්ත එකවර සිදුකිරීම අපහසුතාවක් පවතින බැවින්, ඒ අනුව සහායකයෙක් අවශ්ය බවත් අදාළ බලධාරීන්ට දැනුම්දී ඇති බවයි ඔහු පවසා සිටියේ.
මේ අතර රට තුළ ග්රාම නිලධාරිවරුන් 3,000ක පුරප්පාඩුවක් පවතින බවයි සභාපතිවරයා මෙහිදී වැඩිදුරටත් සඳහන් කර සිටියේ.
ඒ හේතුවෙන් එක් නිලධාරිවරයෙකුට ග්රාම නිලධාරී වසම් දෙකක රාජකාරී කටයුතු සිදුකිරීමට සිදුව ඇති බවයි මෙහිදී අනාවරණය වුණේ.
2023 – 2024 වර්ෂවල ජන හා නිවාස සංගණනයක් සිදුකිරීමට අදාළව ගැසට් නිවේදනය මුදල් ආර්ථික ස්ථායීකරණ සහ ජාතික ප්රතිපත්ති අමාත්යවරයා වශයෙන් රනිල් වික්රමසිංහ නිකුත් කරනු ලැබුවා.
