උදා වී ඇති හදිසි ආපදා තත්ත්වය යටතේ බිඳ වැටී ඇති ජන ජීවිතය යථා තත්ත්වයට පත් කිරීමට හැකිවන පරිදි භාණ්ඩ, වැඩ සහ උපදේශන නොවන සේවා සඳහා වන ප්රසම්පාදන මාර්ගෝපදේශ සංග්රහය සහ අන් පොත – 2024 හි සඳහන් 3.1.8 වගන්තිය අනුව බාධාවකින් තොරව හා කඩිනමින් කටයුතු කරන මෙන් දන්වමින් භාණ්ඩාගාරයේ ලේකම් හර්ෂණ සූරියප්ප්පෙරුමගේ අත්සනින් යුතුව නිවේදනයක් නිකුත්කර තිබෙනෙවා.
ඉහත මාර්ගෝපදේශ සංග්රහයේ සහ අන් පොතෙහි 2.9 වගන්තිය යටතේ ප්රධාන ගනන්දීමේ නිලධාරීන්ට රු මිලියන 750 ක මූල්ය සීමාවක් ලබා දී තිබෙනවා.
එසේම දෙපාර්තමේන්තු ප්රධානියෙක්ට රු මිලියන 400 ක මූල්ය සීමාවක් තුළ කටයුතු කිරීමේ හැකියාව පවතින බවයි එම නිවේදනයේ සඳහන් වන්නේ.
ඒ අනුව, ප්රකාශයට පත්කර ඇති විස්තීරණ ආපදා තත්ත්වය යටතේ සිදු කළ යුතු වියදම් කිසිඳු බාධාවකින් තොරව කඩිනමින් සිදු කිරීම සඳහා අමාත්යාංශ ලේකම්වරයෙක්ට හා පළාත් ප්රධාන ලේකම්වරයෙක්ට රු මිලියන 150 ක් දක්වා සහ දෙපාර්මේන්තු ප්රධානියෙක්ට, දිස්ත්රික් ලේකම් හෝ දිසාපතිවරයෙක්ට රු මිලියන 100 ක් දක්වා වියදම් දැරිය හැකි බවට එම නිවේදනය මඟින් දන්වා සිටිනවා.
එමෙන්ම ඉහත සීමාවන් ඉක්මවා කටයුතු කිරීමට අවශ්ය වන්නේ නම් කඩිනමින් භාණ්ඩාගාරයේ ලේකම් වෙත දන්වන ලෙස සඳහන් කැඅ තිබෙනවා.
