ජනාධිපති කාර්යාලය සතු සුඛෝපභෝගී වාහන 14ක්, භාවිතයෙන් ඉවත් කරන ලද වාහන 06ක් සහ වාහන අමතර කොටස් අලෙවි කිරීමට අදාළ වෙන්දේසිය පෙරේදා (28) සිදුකළ බව ජනාධිපති මාධ්ය අංශය දැනුම් දෙනවා.
රජයේ වියදම් කපා හැරීම සහ මූල්ය වගවීම ප්රවර්ධනය කිරීම අරමුණු කර ගනිමින් මෙලෙස ජනාධිපති කාර්යාලය සතු වාහන විකිණීමට තීරණය කර තිබෙනවා.
ඒ, අනුව ඩිෆෙන්ඩර් ජීප් රථ 09ක්, වොල්වෝ ජීප් රථයක්, ක්රයිස්ලර් මෝටර් රථයක්, මහේන්ද්රා බෝලෙරෝ රථයක්, රෝසා බස් රථයක්, ඩිස්කවරි රථයක් සහ ටොයෝටා මෝටර් රථයක් ඇතුළු වාහන 15ක් පෙරේදා (28) දින වෙන්දේසි වී තිබූ අතර, ඉතිරි වාහනවලට අදාළ වෙන්දේසිය නුදුරේදීම පැවැත්වීමට නියමිත බවයි වාර්තා වන්නේ.
මෙම වාහන ජනාධිපති ලේකම් කාර්යාලයේ නිත්ය කාර්ය මණ්ඩල වෙත ලබා දී තිබූ වාහන නොවන අතර, හිටපු ජනාධිපතිවරයා විසින් සිය ධූර කාලයේ දී ආණ්ඩුක්රම ව්යවස්ථාවේ 41 (1) වගන්තිය යටතේ පත් කරන ලද උපදේශකවරුන් සහ කාර්ය මණ්ඩලය විසින් භාවිතා කළ වාහන බව සඳහන්.
මෙම වාහන මිලදී ගැනීම සඳහා විශාල ඉල්ලුමක් පැවති අතර, ලංසු භාර ගැනීම පෙරේදා (28) දහවල් 12.00 වන තෙක් පැවැත්වුණු අතර ලංසු විවෘත කිරීම රාත්රී 8.00 දක්වා සිදු කෙරුණා.
මෙම අවස්ථාවට ව්යාපාරිකයන් 199 දෙනෙක් පමණ එක්ව සිටි බවයි ජනාධිපති මාධ්ය අංශය වැඩිදුරටත් සඳහන් කළේ.
