රටේ පවතින වත්මන් ගැටළු සඳහා විසඳුම් සෙවීමට පාර්ලිමේන්තුව නියෝජනය කරනු ලබන සියලුම දේශපාලන පක්ෂ වලට ජනාධිපති ගෝඨාභය රාජපක්ෂ විසින් සිදුකරනු ලැබූ ආරාධනාව සිය පක්ෂය විසින් ප්රතික්ෂේප කරන බව ජනතා විමුක්ති පෙරමුණේ නායක අනුර කුමාර දිසානායක පවසනවා.
අද දහවල් පැවති මාධ්ය හමුවකදී නගන ලද ප්රශ්නයකට පිළිතුරු දෙමින් ජනතා විමුක්ති පෙරමුණේ නායකයා සඳහන් කර සිටියේ රට මේ වන විට පත්ව ඇති තත්ත්වයට විසඳුම් සෙවීම සඳහා සියලු දේශපාලන පක්ෂ වලට ජනාධිපතිවරයා සිදුකරන ලබන ආරාධනාව විහිළුවක් බවයි.
” රටේ දහස් සංඛ්යාත පිරිසක් දැන් දින ගානක් පුරා පාරවල් වලට බැහැලා කෑගහනවා ජනාධිපතිට ගෙදර යන්න කියලා. එතුමාට තවම ඒ හඬ ඇහිලා නැද්ද?” ජනතා විමුක්ති පෙරමුණේ නායකයා ප්රශ්න කර සිටියා.
විස්ස තියනකම් මොන සහයෝගය දුන්නත් වැඩක් නෑනෙ