2024-2025 වර්ෂයන් සඳහා තමන් පවුම් මිලියන 12.9ක බදු මුදලක් ගෙවූ බව බ්රිතාන්යයේ චාල්ස් රජු හෙළි කර තිබෙනවා.
ඒ, අනුව බදු බිල්පත හෙළි කළ පළමු රජතුමා බවට තුන්වන චාල්ස් රජු පත්වන බවයි විදෙස් වාර්තා සඳහන් කරන්නේ.
රජු විසින් ගෙවන ලද බදු මට්ටම ඔහුව එක්සත් රාජධානියේ බදු ගෙවන්නන්ගෙන් ඉහළම සිටින 100 දෙනා අතර පසුවන බවයි වාර්තා වන්නේ.
මේ අතර චාල්ස් රජු සහ කැමිලා රැජිණ බකිංහැම් මාලිගයට නොයන අතර, ක්ලැරන්ස් මන්දිරයේ දිගටම ජීවත් වන බව ද අනාවරණය වී තිබෙනවා.
මේ අතර චාල්ස් රජු විසින් 2023-2024 සඳහා පවුම් මිලියන 11.7 ක බදු මුදලක් ගෙවා ඇති අතර, විලියම් කුමරු එම කාලය සඳහාම පවුම් මිලියන 8.34 ක බදු මුදලක් ගෙවා ඇති බවයි වාර්තා වන්නේ.
රජු සහ විලියම් කුමරු තමන් ගෙවන බදු ප්රමාණය ප්රකාශයට පත් කිරීම දෙදෙනාම විසින් ස්වේච්ඡාවෙන් ගනු ලැබූ පෞද්ගලික තීරණයක් බවයි ඔවුන්ගේ කාර්යාල පවසන්නේ.
2025-2026 සඳහා ගෙවිය යුතු බද්ද තවමත් විගණනය කෙරෙමින් පවතින අතර, ලබන වසරේ එය ප්රසිද්ධ කරනු ලබන බවයි මාලිගය පවසන්නේ.
මේ අතර රජු සහ විලියම් කුමරුගේ පෞද්ගලික ආයෝජන හෝ ආදායම හෝ කිසිදු විස්තරයක් අනාවරණය කර නැති බව විදෙස් වාර්තාවල සඳහන්.
