Rajapura Handi Oil
Rajapura Diabetic Powder

ගල්වැව සිරිධම්ම හිමිගේ මූලික අයිතිවාසිකම් පෙත්සම ප්‍රතික්ෂේපයි

ත්‍රස්තවාදය වැළැක්වීමේ පනත යටතේ තමන්ව අත්අඩංගුවට ගෙන රඳවා ගැනීම තුළින් සිය මූලික මිනිස් අයිතිවාසිකම් උල්ලංඝනය වූ බවට තීන්දුවක් ලබාදෙන ලෙස ඉල්ලා අන්තර් විශ්ව විද්‍යාල භික්ෂු බලමණ්ඩලයේ කැඳවුම්කරු ගල්වැව සිරිධම්ම හිමියන් ඉදිරිපත් කළ මූලික අයිතිවාසිකම් පෙත්සම විභාගයට නොගෙන ප්‍රතික්ෂේප කිරීමට ශ්‍රේෂ්ඨාධිකරණය තීන්දු කළා.

එස්. තුරෙයි රාජා, මහින්ද සමයවර්ධන සහ ප්‍රියන්ත ප්‍රනාන්දු යන මහත්වරුන්ගෙන් සමන්විත ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල විසිනුයි මෙම තීන්දුව ලබා දුන්නේ.

දීර්ඝ කරුණු සලකා බැලීමකින් අනතුරුවයි ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල මෙම නියෝගය ප්‍රකාශයට පත් කර තිබෙනවා.

පෙත්සම්කාර සිරිධම්ම හිමියන් වෙනුවෙන් පෙනී සිටි ජනාධිපති නීතිඥ එම්. ඒ. සුමන්තිරන් මහතා අධිකරණය හමුවේ කරුණු දක්වමින් පෙන්වා දුන්නේ තම සේවාදායකයා ජුනි මස 10 වනදා බත්තරමුල්ල අධ්‍යාපන අමාත්‍යාංශය ඉදිරිපිට ඇති වු සිද්ධියක් සම්බන්ධයෙන් අත්අඩංගුවට ගත් බව පැවසුව ද ත්‍රස්තවාදය වැළැක්වීමේ පනත යටතේ රඳවා තබා විමර්ශන සිදු කිරීම නීතියට පටහැනි බවයි.

එහෙත් එම තර්කය ප්‍රතික්ෂේප කරමින් කරුණු දැක්වූ රජයේ ජේෂ්ඨ නීතිඥ ෂමින්ද වික්‍රම මහතා සඳහන් කළේ ආර්ථික අර්බුදයෙන් පීඩාවට පත්ව මහමගට පැමිණි ජනතාව කුපිත කිරීමට පෙත්සම්කරු කටයුතු කර ඇති බව විමර්ශනවලදී කරුණු අනාවරණය වී ඇති බවයි.

රජයේ ආයතන වලට බලහත්කාරි ලෙස ඇතුළු වීම, රාජ්‍ය දේපල වලට හානි කිරීම, මහජනතාව කුපිත කිරීම වැනි බරපතළ ක්‍රියා පෙත්සම්කාර හිමියන් විසින් සිදුකර ඇති බවට විමර්ශන වලදී කරුණු අනාවරණය වී ඇතැයි සඳහන් කළ ජ්‍යෙෂ්ඨ රජයේ නීතිඥවරයා ඒවා ත්‍රස්තවාදය වැළැක්වීමේ පනත යටතේ බරපතල වැරදි බවයි කියා සිටියේ.

පෙත්සම්කරුට එරෙහිව ප්‍රමාණවත් සාක්ෂි ඉදිරිපත් වීම නිසා පොලිසිය විසින් ත්‍රස්තවාදය වැළැක්වීමේ පනත යටතේ රැදවුම් නියෝග ලබාගෙන විමර්ශන සිදුකිරීමට කටයුතු කළ බවත් ඒ තුළින් පෙත්සම්කරුගේ මූලික අයිතිවාසිකම් උල්ලංඝනය වීමක් සිදුවී නොමැති හෙයින් පෙත්සම විභාගයට නොගෙනම නිෂ්ප්‍රභ කරන ලෙස ජේෂ්ඨ රජයේ නීතිඥ ෂමින්ද වික්‍රම මහතා අධිකරණයෙන් ඉල්ලා සිටියා.

ඉදිරිපත්වූ සියලු කරුණු සලකා බැලූ ත්‍රිපුද්ගල විනිසුරු මඩුල්ල අදාළ පෙත්සම විභාගයට නොගෙනම ප්‍රතික්ෂේප කිරීමට තීන්දු කරන බව නිවේදනය කළා.

මේ අතර ත්‍රස්තවාදය වැළැක්වීමේ පනත යටතේ අත් අඩංගුවට ගෙන පසුව නිදහස් කරන ලද අරගලයේ ක්‍රියාකාරිකයකු වන හා හශාන්ත ජිවන්ත ගුණතිලක විසින් ඉදිරිපත් කළ මූලික අයිතිවාසිකම් පෙත්සම විභාගයට ගැනීමට ද ශ්‍රේෂ්ඨාධිකරණය අවසර දී තිබෙනවා.



අපගේ නවතම වීඩියෝ පුවත්
Video thumbnail
බිමල්ට පුදුම අමාරුවක් තියෙන්නේ - මගේ කතාව නවත්තලා වින්දනයක් ලබනවද?
Video thumbnail
නාමල්ට එක නීතියකුත් ජයකොඩිට තව නීතියකුත් වෙන්නේ කොහොමද..?
00:48
Video thumbnail
චාමර යකා නටයි - බල්ලොන්ටත් බලු වැඩ කරපු ආණ්ඩුවක් මේක
23:54
Video thumbnail
ත්‍රිකුණාමලය යුද හමුදා කඳවුරේත් විශාල ගින්නක් හටගෙන
01:05
Video thumbnail
නාමල් සහ චාමර වෙනුවෙන් දයාසිරි පාර්ලිමේන්තුවේ දෙවනත් කරයි
21:05
Video thumbnail
මීහරකෙක් ගියාම තණකොළ තමයි පේන්නේ - ඇමති හර්ෂණ විපක්ෂයට රිදෙන්නම දෙයි
15:54
Video thumbnail
අගමැතිනි ඉස්සරහා තියාගෙනම සජිත් කිව්ව කතාව
16:14
Video thumbnail
උදෙන්ම පන්නිපපිටිය රත්කළ ගින්නේ ඔබ නොදුටු දර්ශන
03:00
Video thumbnail
රට පරිවර්තනය වෙන වෙලාවේ විපක්ෂයත් පරිවර්තනය වෙන්න ඕනේ
16:43
Video thumbnail
මහින්ද කවදාවත් නංගි පෙන්නලා අක්කා දුන්නේ නෑ
12:16