නොනවතින මෝසම් වර්ෂාව හේතුවෙන් ඇති වූ ගංවතුර තත්ත්වය මත බංග්ලාදේශයේ පුද්ගලයින් 20 දෙනෙකු මියගොස් ඇති බව විදෙස් මාධ්‍ය වාර්තා කරනවා.
ආපදා තත්ත්වය හේතුවෙන් මිලියන 5.2කට වැඩි පිරිසක් පීඩාවට පත්ව ඇති බවයි බංග්ලාදේශ බලධාරීහු ප්‍රකාශ කරන්නේ.
රජයේ ප්‍රධාන උපදේශක මොහොමඩ් යූනුස් මාධ්‍යයට අදහස් දක්වමින් කියා සිටියේ ගංවතුරෙන් විපතට පත් වූවන් ඉක්මනින් යථා තත්ත්වයට පත් කිරීම සඳහා පරිපාලනය විසින් අවශ්‍ය සියලු පියවර ගෙන ඇති බවයි.
මෙහිදී අසල්වැසි ඉන්දියාවේ වේලි වාන් දොරටු විවෘත කිරීම නිසා ගංවතුර ඇති වූ බවට බංග්ලාදේශයේ ඇතැමුන් චෝදනා කරන අතර එය නවදිල්ලිය විසින් ප්‍රතික්ෂේප කරන බවයි විදෙස් මාධ්‍ය වැඩිදුරටත් සඳහන් කරන්නේ.
ඒ අතර ජල මට්ටම ඉතා සෙමින් බැස යමින් පවතින බැවින් මෝසම් වර්ෂාව දිගටම පැවතුණහොත්; ගංවතුර තත්ත්වය තවදුරටත් පැවතිය හැකි බවටයි බංග්ලාදේශ කාලගුණ විද්‍යා දෙපාර්තමේන්තුව අනතුරු අඟවා තිබෙන්නේ.
