ඛනිජ තෙල් නීතිගත සංස්ථාව ප්රතිව්යුහගත කිරීමේ සැලැස්ම යටතේ, ඛනිජ තෙල් නීතිගත සංස්ථාව සතු පිරිපහදුව, ඉන්ධනවල ගුණාත්මකභාව, කාර්යක්ෂමතාව, ධාරිතාව සහ පිරිවැය අඩු කිරීම සඳහා අවශ්ය ආයෝජන ආකර්ෂණය කර ගැනීම සඳහා රජය සතු වෙනම ආයතනයක් ලෙස පිහිටුවීම සම්බන්ධයෙන් වන මූලික වටයේ සාකච්ඡා (26) ආරම්භ වී තිබෙනවා.
මේ සම්බන්ධයෙන් x පණිවිඩයක් (ට්විටර්) නිකුත් කරමින් විදුලිබල හා බලශක්ති අමාත්ය කංචන විජේසේකර පවසන්නේ අදාළ ආයතනය සඳහා වන විදෙස් ආයෝජන ආකර්ෂණය ඉහළ නැංවීම සඳහා වන ක්රියාමාර්ග රැසක් සම්බන්ධයෙන් මෙහි දී සාකච්ඡා වූ බවයි.
ඒ අනුව ඛනිජ තෙල් නීතිගත සංස්ථාවේ දැනට අනුමත සේවක සංඛ්යාව සහ වැටුප් ව්යුහය ද සංශෝධනය කෙරෙන අතර බහුවිධ කාර්යයන් සහ සේවා සඳහා ඩිජිටල් වේදිකාවන් හඳුන්වා දීම ද මේ යටතේ සිදු කෙරෙනු ඇති.
එම x පණිවිඩයේ දැක්වෙන්නේ ප්රතිසංස්කරණ ක්රියාත්මක කිරීමේ කාල නියමය සහ ක්රියාවලිය පිළිබඳ මූලික සාකච්ඡාවක් ඊයේ ඛනිජ තෙල් නීතිගත සංස්ථාව පිරිපහදුවෙහි ජ්යෙෂ්ඨ කළමනාකාරීත්වය සමග පැවැත් වූ බවයි.
