කොළඹ වරායේ නැගෙනහිර පර්යන්තය වෙනත් පාර්ශවයක් හා එක්ව සංවර්ධනය කරන බවට ‘සෞභාග්‍යයේ දැක්ම’ ප්‍රතිපත්ති ප්‍රකාශනයේ සඳහන් නොවුණ ද බටහිර පර්යන්තය පෞද්ගලික අංශය හා වෙනත් පාර්ශව සමග ඒකාබද්ධව සංවර්ධනය කරන බවට එහි සඳහන් කර ඇතැයි කර්මාන්ත අමාත්‍ය විමල් වීරවංශ මහතා පවසයි.
ඊට අවශ්‍ය ජනවරම ලැබී ඇති බවත් ඒ හේතුවෙන් බටහිර පර්යන්තය වෙනත් පාර්ශවයක් හා එක්ව සංවර්ධනය කිරීමට තමන්ගේ විරුද්ධත්වයක් නොමැති බවත් අමාත්‍යවරයා පැවසීය.
“බටහිර පර්යන්තය වෙනත් පාර්ශවයක් සමග එකට එකතු වෙලා සංවර්ධනය කිරීම පිළිබඳව අපේ විරුද්ධත්වයක් නෑ. මොකද ජනවරම ලැබිලා තියෙන සෞභාග්‍යයේ දැක්ම ප්‍රතිපත්ති ප්‍රකාශනයේ ඒ කාරණාව විවෘතව සඳහන් වෙනවා. ඒකට ජනවරම ලැබිලා තියෙනවා.”
එහිදී තවදුරටත් අදහස් දැක්වූ අමාත්‍යවරයා.
“ඉන්දීය ද බටහිර ඉන්දීය ද කවුරුහරි එක්ක වුණත්, චීනෙත් එක්ක එකඟතාවක් ඇති කරගෙන පර්යන්තයක් සංවර්ධනය කරලා තියෙන්නේ, ඒ විදියට BOP කියන මොඩල් එකට නැගෙනහිර ජැටිය නොදෙන බවට ලිඛිත සහතිකයක් දීමෙන් අගමැති මග හරී න ම පාර්ශවයක් එක්ක එකතු වෙලා බටහිර පර්යන්තය සංවර්ධනය කිරීම ගැටලුවක් නැහැ, මොක ද අපි සෞභාග්‍යයේ දැක්ම ප්‍රතිපත්ති ප්‍රකාශනයේ ඒ ප්‍රතිත්තිය ඇතුළත් කරලා තියෙනවා. ජනවරම අපිට ලැබිලා තියෙන්නේ ඒ ප්‍රතිපත්තියටත් එක්ක.”
