ටෙස්ට් තරගාවලිය සඳහා එංගලන්තයට ගොස් සිටින බටහිර ඉන්දීය කොදෙව් ටෙස්ට් ක්රිකට් කණ්ඩායම තුන්ව චාල්ස් රජු හමු වී තිබෙනවා.
ලබන 10 වනදා ලෝර්ඩ්ස් ක්රිකට් ක්රීඩාංගණයේ දී ආරම්භ වන පළමු ටෙස්ට් තරගයට පෙර බකිංහැම් මාලිගයේදී කොදෙව් ක්රීඩකයින් චාල්ස් රජු හමුවී ඇති බවයි වාර්තා වන්නේ.
එහිදී චාල්ස් රජු විසින් තරග තුනකින් සමන්විත ටෙස්ට් තරගාවලියට කොදෙව් කණ්ඩායමට සුබ පැතුම් එක්කර ඇති අතර, පසුගියදා බෙරිල් සුළි කුණාටුවෙන් ඇති වූ විනාශයෙන් පසු කැරිබියන් කලාපය කෙරෙහි ඔහුගේ සැලකිල්ල දක්වන බව ද රජු මෙහිදී පවසා තිබෙනවා.
මේ අතර කොදෙව් කණ්ඩායමේ නායක ක්රේග් බ්රැත්වේට් මෙහිදී සඳහන් කර ඇත්තේ තමන් ඇතුළු කණ්ඩායමට මෙලෙස ආරාධනා කිරීම ගෞරවයක් බවයි.
එමෙන්ම මෙය මුළු කණ්ඩායමටම හොඳ අවස්ථාවක් බවත්, කොදෙව් දේශයට බෙරිල් සුළි කුණාටුවෙන් හානි සිදුව ඇති දුෂ්කර කාලයේ දී බටහිර ඉන්දියානුවන්ට ආඩම්බරවීමට සහ ඔවුන්ගේ මුහුණුවල සිනහවක් එක් කිරීමට තමන් ඇතුළු කණ්ඩායමට අවශ්ය බවත් බ්රැත්වේට් පවසා තිබෙනවා.
