ආනයනික කිරිපිටි මිල සංශෝධනය කිරීම සම්බන්ධයෙන් යෝජනාව අද සවස කැබිනට් මණ්ඩලයට ඉදිරිපත් කිරීමට නියමිතව තිබෙනවා.
කිරිපිටි මිල සංශෝධනය කිරීම සම්බන්ධයෙන් රජයේ අවධානය යොමුව ඇති අතර ඒ පිළිබඳව අද දිනයේ කැබිනට් මණ්ඩලයේදී අවසන් තීරණයක් ගැනීමට නියමිත බවයි වාර්තා වන්නේ.
ඩොලර් හිඟය හේතුවෙන් වරායෙන් නිදහස් කරගැනීමට නොහැකි වූ කිරිපිටි අද දිනයේ සිට නිදහස් කරගැනීමට කටයුතු කරන බවයි කිරිපිටි ආනයනකරුවන්ගේ සංගමයේ සාමාජික ලක්ෂ්මන් වීරසූරිය පසුගියදා ප්‍රකාශ කර සිටියේ.
කිරිපිටි තොග වරායෙන් නිදහස් කර ගැනීමෙන් පසු දින කිහිපයක් ඇතුලත අදාළ තොග වෙළෙඳපොළට නිකුත් කිරීමට බලාපොරොත්තු වන බව ඉකුත් සිකුරාදා මාධ්‍ය හමුවක් පවත්වමින් ඔහු ප්‍රකාශ කර සිටියේ.
මේ අතර කිරිපිටි කිලෝග්‍රෑම්යක මිල රුපියල් 200කින් ඉහළ දැමීමට යෝජනාවී ඇත. මේ අතර ගෑස්, සිමේන්ති සම්බන්ධයෙන් වන මිල ගණන් ගැන ද අද කැබිනට් මණ්ඩලයේ අවදානය යොමු වීමට නියමිතයි.
