කිරි සහ බත් ඇට සිරවී ඇති වූ ශ්වසන අපහසුතාව හේතුවෙන් මිය ගිය තෙලිජ්ජවිල – ඇල්ගිරිය – කන්දහේන ප්රදේශයේ මාස නවයක් වයැසැති බිළිඳාගේ මරණය සම්බන්ධයෙන් සැක පිට අත්අඩංගුවට ගත් දරුවාගේ මව ලබන 29 වැනිදා දක්වා රක්ෂිත බන්ධනාගාර ගතකර තිබෙනවා.
ඒ, අදාල සිද්ධිය සිදු වූ දින ඇය නිවසින් පලාගොස් සිටිය දී ගොඩකවෙල පොලිසිය විසින් අත්අඩංගුවට ගෙන මාතර මහේස්ත්රාත් අධිකරණයට ඊයේ (18) ඉදිරිපත් කිරීමෙන් අනතුරුවයි.
අදාළ 22 හැවිරිදි කාන්තාව තම දරුවාට බත් කවා කිරි දී ස්නානය කිරීමට ගොස් මද වේලාවකින් පැමිණ බලන විට දරුවා නිසොල්මන්ව සිටීම නිසා බියට පත්ව ලිපියක් ද ලියා නිවසින් පළා ගොස් තිබුණා.
පසුව එම නිවසේ සිටි වැඩිමහල් දරුවා හඬන ශබ්දය ඇසීමත් සමඟ අසල්වාසීන් පැමිණ සිදුකළ සෝදිසි කිරීමේදී මෙම බිළිඳා මුඛයෙන් සෙම දමමින් බිම ඇඳ වැටී සිටිනු දැක ඇති බවයි වාර්තා වුණේ.
අනතුරුව ඔවුන් වහාම බිළිඳා රෝහල් ගත කිරීමට කටයුතු කර ඇති අතර රෝහල් ගතකරන විටත් බිළිඳා මියගොස් සිටි බව සඳහන්.
මෙම සිද්ධිය සම්බන්ධයෙන් පොලිසිය සැකපළ කළේ බිළිඳාගේ මව විසින් බිළිඳාට වස පොවා ඝාතනය කර නිවසින් පළාගොස් ඇති බවටයි.
කෙසේ වෙතත් සිදුකළ පශ්චාත් මරණ පරීක්ෂණයෙන් අනාවරණය වුණේ බිළිඳාගේ මරණයට හේතු වී ඇත්තේ ශ්වසන මාර්ගයේ ආහාර සිරවීම බවටයි.
අත්අඩංගුවට ගත් මව පොලිසියට පවසා තිබුණේ තමන් ස්නානය කර පැමිණි අවස්ථාවේ දරුවා සෙම වමනය කරමින් බිම වැටී සිටි බවත්, සැමියා දරුවාගේ මරණයට තමන් වග කිව යුතු බවට චෝදනා කරනු ඇතැයි බියෙන් නිවසින් පලා ගිය බවයි.
