ආසියානු කුසලාන එක්දින ක්‍රිකට් තරගාවලියේ සුපිරි 04 වටයේ ශ්‍රී ලංකාව සහ බංග්ලාදේශය අතර අද (09) පැවැත්වෙන තරගයේ කාසිය වාසිය දිනා ගැනීමට බංග්ලාදේශ නායක ශකිබ් අල් හසන් සමත් වුණා.
ඒ, අනුව ඔහු තීරණය කළේ ප්‍රේමදාස තණ තීරුවේ පළමුව පන්දු යැවීමටයි.
තරගාවලියේ සුපිරි 04 වටයේ පැවැත්වෙන දෙවන තරගය මෙය වන අතර, සුපිරි හතර වටයේ පළමු තරගයට සහභාගී වූ බංග්ලාදේශය පාකිස්ථානය ඉදිරියේ පරාජයට පත් වුණා.
අද තරගය සඳහා ශ්‍රී ලංකා කණ්ඩායමේ කිසිඳු වෙනසක් සිදුනොවන අතර, අවසන් තරගයට සහභාගී වූ කණ්ඩායම ම මෙම තරගයට ක්‍රීඩා කිරීමට නියමිතයි.
මේ අතර බංග්ලාදේශ කණ්ඩායමේ එක් වෙනස්කමක් සිදුකර ඇති අතර, අෆීෆ් හොසේන් වෙනුවෙන් නසුම් අහමඩ් මෙම තරගයේ දී කණ්ඩායමට කැඳවා තිබෙනවා.
