කාන්තා සහ ළමා කටයුතු අමාත්යාංශයට අදාළව 2026 වසරේ වෙන් කෙරුණු අයවැය ප්රතිපාදන මත ක්රියාත්මක ව්යාපෘතිවල ප්රගතිය සමාලෝචනය සහ 2027 අයවැය යෝජනා පිළිබඳ සාකච්ඡාවක් ජනාධිපති අනුර කුමාර දිසානායකගේ ප්රධානත්වයෙන් ඊයේ (20) ජනාධිපති කාර්යාලයේ දී පැවැත් වුණා.
කාන්තා සහ ළමා කටයුතු අමාත්යාංශය යටතේ ඇති ශ්රි ලංකා කාන්තා කාර්යාංශය, කාන්තාවන් පිළිබඳ ජාතික කොමිෂන් සභාව, මුල් ළමාවිය සංවර්ධනය පිළිබඳ ජාතික ලේකම් කාර්යාලය, පරිවාස සහ ළමාරක්ෂක දෙපාර්තමේන්තුව සහ ජාතික ළමාරක්ෂක අධිකාරිය විසින් 2026 වසරේ සිදු කරන ලද පුනරාවර්තන සහ ප්රාග්ධන වියදම්වල ප්රගතිය පිළිබඳ මෙහිදී පුළුල් ලෙස විමසා බැලුණා.
එමෙන්ම, 2026 වසරේ කාන්තා සහ ළමා කටයුතු අමාත්යාංශය යටතේ ක්රියාත්මක ප්රධාන වැඩසටහන් වන ආයතනික රැකවරණය සහ භාරකාරිත්වය, වීදි ළමුන් සඳහා වන ජීවන වියදම් දීමනාව, ගර්භනී මව්වරුන් සඳහා පෝෂණීය ආහාර දීමනාවක් ලබාදීමේ වැඩසටහන, පෙර පාසල් ළමුන් සඳහා උදෑසන ආහාර ලබා දීමේ වැඩසටහන, පෙර පාසල් ගුරුවරුන් සඳහා වන ‘ගුරු අභිමානී’ දීමනා වැඩසටහන ඇතුළු වැඩසටහන්වල ප්රගතියද මෙහිදී ජනාධිපතිවරයා විමසා බැලුවා.
ගර්භනී මව්වරුන් සඳහා ලබාදෙන පෝෂණීය ආහාර දීමනාව තවත් එක් මුදල් ලබාදීමේ ව්යාපෘතියක් බවට පත් නොකර, එහි අපේක්ෂිත අරමුණ වන ගර්භනී මව්වරුන්ගේ පෝෂණය සහතික කිරීම ඉලක්ක කර ගනිමින් නිසි අධීක්ෂණයක් යටතේ ක්රියාත්මක කිරීමේ අවශ්යතාව ජනාධිපතිවරයා මෙහිදී පෙන්වා දුන්නා.
එමෙන්ම, දිට්වා සුළි කුණාටුවෙන් දෙමාපියන් අහිමි වූ දරුවන් රැකබලා ගැනීම වෙනුවෙන් මාසික දීමනාවක් ලබාදීමේ වැඩසටහනේ ප්රගතියද මෙහිදී සමාලෝචනය කෙරුණු අතර එම දීමනාව කඩිනමින් අදාළ දරුවන් වෙනුවෙන් ලබා දීමේ අවශ්යතාව ජනාධිපතිවරයා අවධාරණය කළා.
සමාජය තුළ සිටින අනාරක්ෂිත දරුවන් හඳුනා ගැනීමේ සහ ඔවුන් එම තත්ත්වයෙන් මුදාගැනීම සඳහා ජාතික ළමාරක්ෂක අධිකාරිය යටතේ ක්රියාත්මක වැඩසටහනේ ප්රගතිය සහ ක්රියාකාරිත්වය ද මෙහිදි සාකච්ඡාවට ලක් කෙරුණා.
මෙම කටයුතුවලදී නිවැරදි දත්ත පද්ධතියක අවශ්යතාව අවධාරණය කළ ජනාධිපතිවරයා 2027 අයවැය ප්රතිපාදන වෙන් කිරීම එම දත්ත මත පදනම්ව සිදුකිරීමට අපේක්ෂා කරන බවද සඳහන් කළා.
